Brîtaniya, Fransa û Amerîkayê “rijdiya xwe ” ji bo piştgiriya Koma navnetewî ya lêpirsînê bo destnîşankirina kesên berpirsiyarên bikaranîna çekên kîmyayî li Sûrîyê, û ev yek bi “pêngaveke giring” dîtin ji bo misogerkirina rizgarnebûna sûcdaran ji sizayê.
Ev yek di daxuyaniyeke hevbeş de ji aliyê hikûmetên hersê welatan hat bi helkefta duyemîn salvegera êrîşa rejîma Esed ya bi çekên kîmyayî li ser bajarokê Xanşîxon li deşta Idlibê, ku têde nêzîkî 100 kesî şehîd bûn û zêdetir ji 400 kesên din jî birîndar bûn.
Hersê hikûmetan di daxuyaniyekê de got ku “nakokî nîne li ser roja bikaranîna çekên kîmyayî ji aliyê rejîmê li dijî gelê xwe”, û berdewambûna rijdiya xwe nûkirin li ser ku lêpirsînê bi “awayekî baş” ligel rejîmê bikin li ser pêkanîna tawanên li dijî mêr, jin û zarokên bêguneh.
Daxuyaniyê diyar kir ku rejîmê xwe bilez “parast ji lêpirsîna Konseya Ewlekariyê” li hember berdewamiya bikaranîna çekên kîmyayî, ji ber “veto”ya Rûsyayê, ku bû sedema hilweşandina mekanîzma lêpirsîna serbixwe, ya hatibû damezrandin ji bo destnîşankirina berpirsiyariya êrîşên bi çekên kîmyayî li Sûriyê.
Lê belê, daxuyaniyê got: “ku welatên xudan helwestên berpirsiyar man dilsoz ji bo parastina qedexekirina bikaranîna çekên kîmyayî, û bicîkirina dadperweriyê li hember her yekê çekên kîmyayî bikar bîne yan jî hewil bide rabe bi parastina bikarhênerên wê, û van dewletan pabendiya xwe bi vê yekê dupat kir bi taybetî bi rêya xurtkirina desthilatdariya Rêxistina (OPCW) ya qedexekirina çekên kîmyayî “.
Daxuyaniyê, êrîşên dubarekirî yên rejîma Esed bi çekên kîmyayî bi “binpêkirina rewişt û yasayên navnetewî dît, û da zanîn ku dibin sedema êşên giran, û zêdebûna qeyrana însanî ya herî xirab li Sûriyê”.
Dubare hersê hikûmetan teqezî kirin li ser çareseriya siyasî ya rasteqîn li gor biryara 2254 ya Konseya Ewlekariyê, û ew bi take çareserî li Sûriyê dîtin, û dubare hişyarî dan rejîma Esed li ser bikaranîna çekên kîmyayî, û biryardariya xwe ji bo “standina karekî bi tundî û bi lez di dema ku rejîma Esed dubare çekên kîmyayî bikar bîne di pêşerojê de. “
Jêder: Ofîsa Ragihandina Hevbendiya Niştimanî ya Sûrî
