Rêberê Libnanî Walid Canbolat dît ku Îranê bi riya destêwerdana xwe di karubarê herêmê de û bi taybetî di Sûrîye û Yemenê de herêm gihandiye vê qonaxa niha.
Rêberê Libnanî duhî di çavpêketineke taybet de li ser kanala Al-Arabiya got “li wê derê miletekî jiyan û azadî xwest, hin hêz hatin û destê xwe xistin di destê rejîmê de, pêşî Îran bû û piştre Rûsya jî hat , û di heman demê de dewletên rojava dest ji gelê sûrî berdan û alîkariya wî nekir”.
Cannolat got ku “rola Îranê rewş gihand rêyek girtî û tarî, ku dijberiyek peyda bû, û me pêdivî bi alîkariya Îranê ji rejîma Esed re dijî gelê Sûrîyê nebû , û me nexwest destêwerdanê bi vî awayî di Yemenê de bike, û îro gefa bombebarankirina hemû bajarên Kendavê dixwe “.
Serokê Partiya Pêşkeftinxwaz diyar kir ku welatên rojava dest ji pirsgirêka gelê Sûriyê berdan, û bal kişand ku di dema peymana kîmyayî li “Pittsburgh” hat imzekirin di navbera Obama û Putin de, wan bi temamî pişta xwe da gelê Sûriyeyê û hêzên niştimanî.
Canbolat bi bîntengî got ku “Beşar el-Esed nikare bimîne, wê li ser çi bimîne? Li ser kavilên Sûriyê? Li ser miletekî derbider li Libnanê, Urdun û Tirkiyê? Li ser çi? Ew bi rêya artêşên li Sûriyê maye, artêşa Rûsyayê û artêşa Îranê, û paşî?!”.
Cannolat gotinek ji gelê Sûriyê re got: “Ez ji gelê Sûriyê re dibêjim ku azadî dê rojekê bêt, û durzî xelkê Sûriyê ne , ew beşek ji gelê Sûrîyê ye, û têkiliya min bi gelê Sûriyê û serhildana wê re ne, têkildariya wê bi mijara durziyên Sûriyê re nîne, belê bi xwe têkildariyek wijdanî ye digel gelê Sûriyê”.
Hevdem ku Welîd Canbolat her ji sala 2014 de, piştrast dike ku “eger Esed li ser kursiyê xwe bimîne ti fersend nîne ji bo peydabûna ti çareseriyekî li Sûriyê”, û pêştir û bêhtir ji carekî gotiye ku “rejîma Esed û çeteyên DAIŞ rûyên yek diravî ne”, û bal kişandiye li ser hebûna belgeyan li ser têkilî û têgihiştinê di navbera herdu aliyan de.
Jêder: Ofîsa Ragihandinê ya Hevbendiya Niştimanî ya Sûrî
