Serokê partiya hêzên Libnanê Semîr Ce’ceh di çapêketina xwe de ya ligel kandîda helbijartinên serokatiya Firinsa û rêbera bereya niştimanî Marîn Loban li Beyrûtê got ku “mijara şerê Esed bi awayekî gerav û ne tewaw li rojava belav dibe”, ku rijêma Bişar bi xurtî hewla wê yekê dide ku ji bo tevaya civaka navdewletî xuya bike ku ew şerê tererîstan dike lê ew bi xwe ji şeş salan ve şerê gelê Sûriyê dike û jin û zarok û kalmêran dikuje.
Ce’ceh got ku min ji xatûn Loban re diyar kir ku em tev li dijî terorê ne û terorê hîç dînek nîne, û her kesê bi terorê radibe ew terorîst e, û ligor vê pîverê Bişar Esed dibe mezintirîn terorîst li Sûriya û li deverê”.
Ce’ceh got ku hevrikiya niha li rojhilata navîn dibe ne di navbera Xiristiyan û Mislimanan deye wek tê veguhestin û kopîkirin ji rojavayan re, berovajî ku ew milmilaneyeka di navbera terorîstan ji aliyekî û ji aliyê din miyanriyên sercem ayîn û dewlet û girûpan de ye.
Ce’ceh bal kişand ku nabe em kiryarên leşkerî yên rijêma Esed li Libnanê yên bi dehên salan û tevî kiryarên terorkirinê yên rijêma Esed li dijî serkirdeyên şoreşa Elerez ji bîr bikin.
Ce’ceh amaje kir ku gelek belge û nîşan hene, hatine di dadgehan û lêkolînên niha de yên dibin derbarê terorkirina serok Refîq Elherîrî, ku nîşanin li ser bala destiya rijêma Esed di van kiryarên terorkirinan de.
Ce’ceh tekez kir ku nabe em bi hîç awayekî biramin di mana Esed de li ser serê desthilata Sûriyê piştî tişta bi serê Sûriyê hatî, û ew boçûna dibêje ku tundrew têkevin şûna Esed red kir, û got ku hêzên Libnanê ne Esed û ne jî tundrewan divin.
Jêder: Ofîsa Ragihandina Hevbendiya Niştimanî
