Şûnkarê sikirtêrê giştî yê NY yê bo karubarên mirovî Stîvin Obirayîn, ji endamên Encûmena Asayîşê yên ku alavên wan ên leşkerî li Sûriyê hene, daxwaza rawestandina şer û pevçûnan li helebê kir, û her weha dana rê bo gihandina alîkariyên mirovî bo xelkêwê wê deverê,.
Duhî di civînekê de derbarê bajarê Helebê yê ku rastî destdirêjî û êrîşên Rûsiya û rijêma Esed û hevalbendên wan tê, Obirayîn di vegotina xwe de li pêş endamên encûmena asayîşê got ku “Encûmena Asayîşê dikare tundutîjiyê rawestîne; û heger weha neke, wê miletek binavê gelê Sûriyê nemîne û ev şermî û kirêtkarî wê hetahetayê bi me ve bimîne “.
Herwiha got: ” Ez ji hemû endamên encûmenê yên alavên wan yên leşkerî li Sûriyê hene, daxwaza rawastandina şer dikim, û her weha rê bidin gihandina alîkariyan bo pêwîstîdarên Helebê “.
Berpirsê navnetewî got ku “Rûsiya û rijêma Esed berdewam in di bombebarankirina nexweşxaneyan de”, û got: ” komelkujî li Helebê pêk tên, û bi taybetî li taxên wê yên rojhilat, û her ji heyva bûrî ve 400 sivîl hatine kuştin û derdora du hezar sivîlên din hatine birîndarkirin”.
Ji aliyê xwe ve, Saminsa Bawer nûnera Amerîka ya li NY, nameyek derxist û got ku” ev belavokek e, ji firokên Rûsiya û yên hêzên rijêma Esed ji sivîlên Helebê re hatiye avêtin, û têde hatiye (ev hêviya we ya dawiyê ye, û heger hûn cihên xwe nehêlin, hûn ê tev bên qirkirin, ji ber ku hemû aliyan dest ji we berdane”, Saminsa got ez li vir pirsyarê dikim: gelo hûn dixwazin em li ser vê yekê sipasiya we bikin?, û got: “ma gelo ew zarokên li Helebê rastî êrîşan dibin, endamên rêxistina DAÎŞê ne?, Ku Rûsiya nexweşxaneyan bi çekên taybet bombebaran dike,ew çekên ku ji bo armanckirina sivîlên di asêgehan de çêkirine “.
Û duhî firokên Esed di êrîşekê de li ser komeke xwendingeh û bazargeheka gelêrî li bajarê Has li gundewarê Idlibê, rabûn bikaranîna mûşekên bihêzteqîn yên bi pareşotan hatin avêtin, ku bûn sedema şehîdbûna 26 kesan bi kêmayî, ku piraniya wan xwendekar û wanebêj bûn, tevî birîndarbûna hejmarek ji kesên din.
Hevbendiya Niştimanî ya hêzên şoreş û Rikberiya Sûriyê, got ku hewlên Rijêmê û Rûsiya bi awayekî pîlankirî û bimebest berdewam in, di armanckirina navendên xizmetgozarî de, ku ev yek tekez dike ku hin hewl hene bo zêdekirina kiryarên kuştinê bi armanca lawazkirina şoreşgeran û neçarkirina wan ji bo erêkirina agirbestan ji derveyî çarçoveya piroseya siyasî.
Ku taxên rojhilat yên Helebê, û bêhtir ji heyevekê ye, bicarekê ji aliyê hêzên bejayî yên rijêma Esed û milîsên wê ve û bi piştgiriya firokên Rûsiya hatine dorpêçkirin, hevdem ligel nebûna kelupelên xwarin û derman û pêdawîstiyên saxlemiyê, û jiyana nêzîkî 300 hezar kesê sivîl ketiye metirsiyê de.
Jêder: Hevbendî + Anadol
