Serok wezîrê Tirkiyê Ehmed Dawid Oxlo got; ku endamên “Partiya Yekîtiya Demoqratîk PYDê” bûne destik ji bo cîbicîkirina pilanên Mosko yên herêmî, bi taybet piştî nakokiya pêwendiyan di navbera Tirkiyê û Rûsya de, û gihandina zirarê ji Tirkiyê re bûye ji tiştên sereke li cem wan.
Ev yek di gotinekê de hat ku li pêşiya kutleya parlemanî ya Partiya Dad û Geşepêdanê ya deshilatdar,li Enqerayê, herwiha Oxlo tekez kir ku Partiya Yekîtiya Demoqratîk û milîsên Parastina Gel nûnertiya Kurdan û Sûriyan hîç nakin, tenê ew destikên Rûsya ne.
Dawid Oxlo lêzêde kir “Ez bang li hemûyan dikin, ku Kurdan bikar neynin, Komara Tirkiyê dewleta Kurdan e jî û parastina wan dike.”
Oxlo diyar kir ku pêşhatên ku li Sûriyê rû didin bûye karîsteke mirovahî ya mezin, û bûye metirsiyek li ser ewlehiya netewî ya Tirkiyê, û destnîşan kir ku Rûsya û di jêr sîwana şerê li dijî DAIŞê de, welatiyên sivîl û fesîleyên şoreşa Sûriyê bi awayekî himbiz topbaran dike, û baregehên rêkxistinê topbaran nake.
Oxlo da xuyakirin ku wî li wêneinan neriye ku balafirên-bêpîlot ji “Til Ref’et” û “Izazê” re yên ku Doh Rûsya topbaran kirîbûn kişandine, û tekez kir ku ti dever nîne û rokêt lê neketine, û balafirên Rûsî bi awayekî bêserûber topbaran dike.
Dawid Oxlo balkişand ku balafirên şerker yên Rûsya Doh tenê, 200 êrîş li ser bajarekî biçûk mîna Izazê pêk anîne, û tekez kir ku Rûsya vê yekê dike ji bo ku ji bombeyên ku ekispayir bûne xelas bibe, û pilanên Rûsya bi nemirovahî salix dan.
Oxlo destnîşan kir ku Rûsya û rêjîma Esed û Partiya Yekîtiya Demoqratîk (Baskê Sûrîyê ê PKKê a terorîst), hevkariyê di van rojên dawî de dikin, di topbarankirina fesîleyên Şoreşa Sûriyê de, ji asîman û zemînê ve, da ku korîdora herî dawî ya mirovahî di navbera Heleb û Tirkiyê de bibirin, û da xuyakirin ku ew di rêya êrîşên xwe de, dixwazin berê bi sedhezaran ji koçberan bidin Tirkiyê, û demografiya Bakurê Sûriyê bigherin.
Dawid Oxlo got; ku PartiyaYekîtiya Demoqratîk û piştî kontrolkirina Balafirgeha Minixê bi alîkariya balafirên Rûsî , dest bi êrîşa li ser Izazê ya nêzîkî sînorê Tirkiyê kir, û tekez kir ku welatê wî baregehên “PYDê” ya ku lîstokeke di destê Mosko û rêjîmê de topbaran kirin, li gor bingehên şer ji Şemiya bûrî ve, ji bo ku pêla koçberiyeke nû rû nede, û dabînkirina parastina derbideran li deverên wan, û da zanîn ku welatê wî dê berdewam be li ser bersevdayînê.
Dawid Oxlo balkişand ku êrîşên dawî li Sûriyê bûne gef li ser Tirkiyê û ewlehiya sînorê wê bi awayekî eşkere, û lêzêde kir ku topbarankirina dawî hişt ku hejmareke zêde ji koçberan çê bibe, ku ew pêl bûye gef ji Tirkiyê û Ewropayê re, û da xuyakirin ku şêwermenda Almanî û serokwezîrê Holenda hevnerînin pê re li ser vê mijarê.
Dawid Oxlo got ku Tirkiyê dê berdewam be di bersevdayînê de eger pêwîst be, ji bo parastina sînorê xwe, û ji bo ku qirkirineke mezhebî çê nebe, û nehiştina hatina koçberan bi awayekî mezin û rûdana karîsteke mirovahî ya nû, û ji bo nehiştina lawazkirina hêzên şoreşê yên ku hêviya rasteqîne ne ji Sûriyê re.
Jêder: Anadol
