Serokê Tevgera Goran ya Libnanî, Êlî Mehfûz, duhî roja yekşemê nameyek da Komîteya Navnetewî ya Xaça Sor ya Libnanê (ICRC), ku têde doseyek hatiye li ser pirsa welatiyên Libnanê yên binçavkirî di girtîgehên rejîma Esed de yên ji zêdetir ji bîst salan ve bêserûşûn in.
Û “Ajansa Nûçeyan ya Niştimanî” di nameya Mehfûz de bal kişand ser doseyekê ku bi navan û hurgilî ji bo Xaça Sor li ser şert û mercên binçavkirinê û girtinê yên li Sûriyê her ji sala 1990’an ve dibe hat pêşkêşkirin.
Di nameya vî berpirsê Libnanî de hatiye: “Ez daxwaza şandina Komîteyeke lêpirsînê ji bo nav axa Sûriyê ji Komîteya Navnetewî ya Xaça Sor bi hemû dezgeh û stafên wê yên li ser erdê dikim, ji bo diyarkirina çarenivîsa bi sedan welatiyên Libnanê yên ji aliyê hêzên Sûriyê ve hatine binçavkirin, dema li Libnanê bûn”.
Berpirsê Libnanî got: ” Hinek ji komele û rêxistinên pêwendîdar bi pirsa kesên binçavkirî û bêserûşûn di girtîgehên Sûriyê de, rabûne bi serjimêriyeke durist li ser hejmara 622 welatiyên libnanî yên di çend navend û girtîgehên Sûriyê de hatin binçavkirin “.
Di nameya hatî pêşkêşkirin ji bo Komîteya Navnetewî ya Xaça Sor ya Libnanê de, navên hinek girtîgeh û navendên binçavkirinê hatine, di nav de: “Seydnaya, Tidmur, Mezê, Şam, Heleb, Adra, Hama, Siwêda, Hums, Fer’ê Felestîn yanjî şaxa 235 ku girtî jê bi mirî derdikevin.
Herwiha nameyê behsa tawan û binpêkirinên ku digehêjin asta tawanên dijemirov yên ji aliyê hêzên Esed ve li dijî sivîlzn di dema li Libnanê bûn kiriye, û diyar kir ku “dibe ku ya herî xirab di nav tawanan de, ya di 13 çiriya pêşî ya sala 1990’an de bû”.
Û dewleta Libnanê li ser zimanê çend berpirsên xwe berê jî daxwaza diyarkirina çarenivîsa welatiyên Libnanê yên di girtîgehan de ji zêdetir ji bîst salan ve ji rejîma Esed kiribû, di dema dagîrkariya hêzên Esed li ser Libnanê, bêyî ku ti bersiv ji hêla rejîmê li ser çarenivîsa girtiyan hebe.
Jêder: Ofîsa Ragihandinê ya Hevbendiya Niştimanî ya Sûrî