Desteya Yasanasên Sûrî di bîrdozeke xwe de, duhî sêşembê, hişyarî da civaka navdewletî ji encamên neyênî; eger wisa bêdeng ma hember komkujiyên ko li Sûriyê dibin, û bihêlin Rûsya û Îran û Rêjîma Esed komkujiyan derheqê miletê Sûrî pêk bînin.
Desteyê got ku tiştê di salên vê dawiyê de li Sûriyê çêdibin û bi taybetî qirkirina komelî ya bi hezaran sivîlên Sûriyê ji hêla rêjîma Esed û Îran û Rûsya û milîtanên wan, bi milyonan xelk derbider kirine, dê bêbweriya miletan bi hemû rêkxistinên navdewletî û yasayên wan bêtir bike, û dê bibe navûnîşana ragehandina mirina wan rêkxistin û yasayên navdewletî.
Desteyê di bîrdoza xwe de destnîşan kir ko tiştê nuha li Idlib û gundewarê Hemayê çêdibe dê qeyrana penaberan mezintir bike, eger bombebaran berdewam bike, û dê aştî û ewlehiya navdewletî têk bide.
Desteyê di bîrdoza xwe de anî ziman ko firokên cengî yên rêjîmê û Rûsya yên hevbeş di 24 demjimêran de bêtir ji 150 êrîşên asmanî û 200 guleyên topan avêtine sivîlan û bazar û nexweşxanan û navendên bijîşkî li gundewarê Hema û Idlibê, û bi sedema wê bêtir ji 368 qurbanî ji sivîlan piraniyan kal û jin û zarok in.
Desteya encûmena ewlehiya navdewletî ya bi ser Netewên Yekbûyî ve, ya parastina aştî û ewlehiya navdewletî pê hatiye spartin, daxwaz jê kir ko gavine pêşinde bavêjin bo jiyana sivîlan biparêzin û yekser bombebarana Idlib û gundewarê Hemayê rawestînin, li gora benda 13ê ji biryara 2254 ya sala 2015ê.
Desteyê daxwaz kir ko dosya Sûrî ji Astane û Sotşî ber bi Cinêvê û pêvajoya wê ya resen de bidin, tako li benda zêdegaviyên Rûsya û Îranê û hevalbendên rêjîma Esed û nemînin, ko derbiderî û penaberî derheqê miletê Sûrî bibe, bombeyeke berteqînê dibe ko encamine neyênî yên mezin û metirsîdar li ser cîhanê bi tevayî pêk bîne.
Hevbendiya Niştimanî ya hêzên şoreşê û rikberiya Sûriyê duhî tekez kir ko sivîlên Sûriyê dikevin ber tawankariyên cengê û qirkirinê bi encama berdewamiya bombebarana hêzên Rûsya û rêjîmê li gundewarê Idlib û Hemayê.
Hevbendiya Niştimanî destnîşan kir ko ew tawankarî bersiveke guncaw ji civaka navdewletî nabînin, daxwaz kir ko parastineke navdewletî ji sivîlan re pêk were, û wan nehêlin li ber kuştin û koçberkirinê û bi taybetî jin û zarok.
Jêder: Ofêsa Ragehandinê ya Hevbendiya Niştimanî
