Birîtanya, Firensa, Yaban, Tirkiya û Siûdiyê xweşhaliya xwe diyar kirin bi derba Emerîkî ya bi mûşekan dijî Firokxana leşkerî ya Elşûeyrat, ew firokxana ku rêjîmê ew ji bo bombebarankirina sivîlan bikar tanî. Û Desthilata Birîtanî piştgiriya xwe ya tekûz ji operasiyona Emerîkî re ragihand, û diyar kir ko bombebaran bersiveke di cihê xwe de bû himber êrîşa rêjîma Esed bi çekên kîmawî li ser bajarê Xan Şêxûn li Idlibê û sivîl pê amanc kirin.
Serokê Firensa Firensiwa Holand û Şêwirdara Elmanî Engêla Mêrkil, dibînin ko Beşar Elesed tenê berpirsiyarê derba Emerîkî ye, ya ko Bingeheke asmanî amanc kiriye.
Wezîrê derve yê Firensa Can Mark Êrlot berê gotibû ko Emerîka Firensa bi derba mûşekî li ser baregehên leşkerî yên rêjîmê agahdar kiribû.
Êrlot xweşhaliya welatê xwe bi derba Emerîkî da û got: “Bikaranîna çekên kîmawî kerekî metirsîdar e, û divê siza jê re hebe, ji ber ko ew tawankariyeke cengê ye”. Êrlot bêtir got ku derba Emerîkî ya mûşekî hişyariyê dide Rûsya û Îranê”.
Cîgirê serokwezîrê Tirkiyê Nûman Qortolimoş got: “welatê wî nerîneke erênî li derbên Emerîkî yên mûşekî yên li ser bingehên asmanî yên Sûriyê pêk hatin dinere, û gerek civaka navdewletî li ser helwesta xwe ya li dijî hovîtiya rêjîmê bimîne ” .
Û derbarê helwesta Erebî, Siûdiyê piştgiriya xwe ji derbên Emerîkî re yên li ser amancin leşkerî yên rêjîma Beşar diyar kir, berpirsekî di wezareta derve ya Siûdî de got biryara Tiramp “mêranî” bû, û diyar e ko “bombebaran bersiv bû li ser tawankariyên rêjîmê yên li dijî milet, di dema civaka navdewletî sersar e derbarê rawatandina wê dijîtiyê .”
Her weha wezareta derve ya Behrênî xweşhaliya xwe bi derbên Emerîkî da, û tekez kir ko ev pêngav giring bû ji bo rawestandina rijandina xwîna miletê Sûrî û qedexekirina bikaranîna çekên kîmawî li dijî sivîlan.
Ev xweşhaliya navdewletî bi lêdana mûşekî ji bingehên asmanî yên rêjîmê re li firokxana Elşûeyrat hat, piştî ko serokê Emerîka ragihand ko van bingehên rêjîma Esed êrîşa kîmawî dane ser Xan Şêxûn û bû sedema bi dehên kuştiyan ji sivîlan tevlî zarok û Jinan.
Jêder: Nivîsgeha Ragihandinê ya Hevbendiya Niştimanî/Acans