Wezîrên derve yên çend dewletên Erebî û Rojavayî daxwaz kirin ko giring e komîteke destûrî pêk bê, tako bizavên Netewên yekgirtî yên ji bo çareseriya siyasê li gora biryara encûmena ewlehiyê ya hejmar 2254ê bi pêş ve bibin.
Di daxuyaniya hevbeş de ya Misir, Firensa, Elmanya, Urdin, Siûdî, Birîtanya û Emerîka hatiye ko pêdiviyeke bilez ji diblomasiyeke hevrêzkirî û viyaneke siyasî ya navdewletî re heye, û di daxuyaniyê de tekez kirin ko tiştek nikare şûna çareseriya siyasî bigire.
Dewletên ko imze kirine destnîşan kirine ko çareseriya leşkerî biser nakeve, û dê gelek metirsiyan derxîne, û tekez kirin ko ku ewê bizavên çareseriya siyasî bipêş ve bibin, li gora biryara Encûmena ewlehiyê 2254, û dibînin ko ew “mijareke tekezkirî ye”.
Dsaxuyaniyê doz li Netewên yekgirtî û li ofêsa şandyarê taybet bo Sûriyê kir ko komîteke destûrî xwedan bawerî bileztirîn dem damezirînin, û diyar kir ko amanc jê ‘’ destpêkirina amadekirina destûreke Sûrî ya nûjen e, û danîna bingehê ji bo hilbijartinên azad û pak û bêlayen li jêr çavdêriya Netewên yekgirtî di rewşeke aram û hêmin de ko hemû Sûrî tev li yên derve têde beşdar bibin.‘’
Daxuyaniya hevbeş şandyarê navnetewî yê taybet bo Sûriyê han da ji bo pêşkêşkirina raportekê ji encûmena ewlehiyê re, derbarê asta pêşketinên wî, di demekê de ko ne piştî 31 çêriya yekem be. Û daxuyaniyê navtêdan kir ko hemû aliyên Sûrî amade bin ji bo di pêrabûnên komîtê de beşdar bibin.
Jêder: Ofêsa Ragehandinê ya Hevbendiya Niştimanî