Rêxistina “Human Rights Watch” daxwaz ji Rûsiya kir ku xwe ji bombebarankirina sivîlan dûr bike, û herwiha gihandina alîkariyên mirovî bo navçeyên dorpêçkirî misoger bike, piştî ku astengî ji aliyê rijêma Esed ketin pêşiya karê NY yê li ser binyada biryara navdewletî ya hejmar 2254.
Rêveberê “Human Rights Watch” yê beşê jinavbirina terorê, Nedîm Horî, cext li ser girinya wê yekê kir ku pêwîste Rûsiya bizavên zêdetir terxan bike, ji bo dûrxistina sivîlan ji êrîşên xwe yên esmanî, û herwiha xwe bide ber garantîdana ji hêla rijêma Esed ji bo gihandina alîkariyên mirovî ji navçeyên dotpêçkirî re, eger ew bixwaze rastgoya xwe ji bo parastina sivîlan dupat bike.
Horî got ku ” di dema cîhan behsa kêmkirina oparesyonên şer li Sûriyê dike, hevdem xelkê gelek navçeyên aram rastî birçîbûnê û kêm-çavdêriya pizîşkî dibin, û herwiha rastî gefên seqayê yên kujek tên, wek rewşa niha ya nişteciyên bajarê Atarib li gundewarê Helebê têde dijîn.
Rêxistinê tekez kir ku bajarê Atarib li rojavayê parêzgeha Helebê yê dikeve di çarçova ” Deverên kêmkirina şer” de, rastî êrîşên esmanî yên firokên rijêma Esed û yên Rûsiya dibe.
Hêjayê gotinê ye ku Hevbendiya Niştimanî ya hêzên şoreş û rikberiya Sûriyê, bi tundî tawana hovane ya firokên Rûsiya li bajarê Atarib şermezar kiribû, ya ku 67 şehîd û bi dehên birîndaran ji sivîlan têde ketibûn.
Herwiha Xûta Şamê ya rojhilat ya bi tundî dorpêçkirî ye, û bi berdewamî tê bombebarankirin, têde ji berî zêdetir ji sê heftiyan û ligor amarên nexweşxaneyê, 227 zarokên sava yên pêçekê heta niha jiyana xwe jidest dane, bi sedema nebûna xwarinê û dermên.
Hevbendiya Niştimanî dîtibû ku ev êrîşên dibin ji aliyê hêzên Rijêmê û Rûsiya li ser sivîlên Şamê û gundewarê wê û Helebê, tên bi aramanca jinavbirina çareseriya siyasî bi rêka binpêkirina rêjeftinan û berdewamkirina şer û kuştinê.
Jêder: Ofîsa Ragihandina Hevbendiya Niştimanî / Wekalat
