Nûnerê Birîtanya yê herdemî li Netewên Yekbûyî balyoz Matyo Rayker Woft, got ku welatê wî û Firensa karê xwe berdewam dikin ji bo buhûrandina pirojeyekî biryara Netewên Yekbûyî yê têkildar e bi mijara sizakirina kesên destê wan di bikaranîna çekên kîmawî de li Sûriyê heye.
Berê jî Firensa daxwaza pirotestokirina rêjîma Esed kiribû, piştî derketina biryara navdewletî ya destnîşankirina bikarhênerê çekên kîmawî sala 2015-2016an.
Balyozê Birîtanî di daxuyaniyên ji bo rojnamevanan li bargeha Rêkxistina navdewletî doh pêncşembê diyar kir, ko danûstandin di navbera dewletên endam di Encûmena Ewlekariyê de, ( 15) dewlet in, li ser mijarin“teknîkî”yên ko di pirojeyê de hatine ne, û got ko “Birîtanya û Firensa karê xwe di Encûmena Ewlekariyê de ji hêla teknîkî di pirojeyê biryarê de berdewam dikin, çimkî 5 dewletên nû tevli endametiya Encûmenê di çileyê paşî de bûne, ew jî ev in: Siwêd, Kazixstan, Îtalya, Bolîvya û Etyûbya”. Li gora gotina balyozê Birîtanya, demê bêtir dixwaze ji bo li ser daraştina biryarê rawestin.
Û Raykroft bêtir got“ji aliyê me ve em dixwazin pirojeyê biryarê bi pêş ve bibin, gava hemû heval di encûmenê de pê vehesin”, her weha serokê Encûmena Ewlekariyê balyoz Olif Sikog nûnerê Siwêdê libal Netewên Yekbûyî yê ko welatê wî serokatiya karûbarê Encûmenê di vê mehê dike ji rojnamevanan re li bargehê Netewên Yekbûyî li Niyûyorkê got “şêwirên li ser asta pisporan hêj di navbera dewletên endam de yên ji bo pirojeyê biryara çekên kîmawî li Sûriyê berdewam in”.
Û diplomasiyên herdu şandan, ya Firensî û ya Birîtanî, li Netewên Yekbûyî gotin ku pirojeyê biryarê yê ji aliyê herdu dewletan ve hatiye pêşkêş kirin, firotina hilîkopteran û alavên bi wan ve girêdayî bi awayekî yekser an neyekser bo rêjîma Beşar qedexe kirine.
Û diplomasiyan bêtir gotin ko di pirojeyê biryarê de hatiye ku hesabê pereyên çar berpirsiyarên rêjîma Beşar Elesed û 10 saziyên din, yek ji wan Navendeke karê pêşvebirina çekên Kîmawî, rawestînin, û ew herçar berpirsiyar nabe ko derbasî dewletên endam di Netewên Yekbûyî de bibin.
Û berê jî berdevkê Encûmena Ewlekariya Netewî Emrîkî, Nîd Birayis, pirotestokirina Waşinton ji “bikaranîna çekên kîmawî re ji hêla Şamê ve” dubare kir. û got “nuha nema tê veşartin ko Rêjîmê gaza kilorîn dijî hevwelatiyên xwe bikar aniye, û peymana qedexekirina çekên kîmawî û biryara Encûmena Ewlekariya Navdewletî 2118 binpê kiriye.”
Jêder: Nivîsgeha Ragihandinê ya Hevbendiya Niştimanî+Acans
