Erebistana Si’ûdî daxwaz kir ko Tawankarên Cengê yên li Sûriyê bidin Dadgeha Navdewletî, û navê kesê ko guman li ser hebe ji destpêka Şoreşa Sûriyê ve belav bikin. Da siyaseta ji sizayê rizgar bibin biraweste û ev kar rêgir be li pêş tawankaran û alîkariya parastina Sivîlan bike.
Balyozê Si’ûdî Feysel Tirad li Netewên Yekbûyî li Cinêvê di axaftinekê de li pêşiya Encûmena Mafê Mirovan doh tekez kir ko Miletê Sûrî ji destpêka Şoreşê ji çar salan ve kirêttirîn tawankarî di sedsala 21ê de di dermafê wî de bûne û Rêjîma Esed yê ko rewaya wî têk çûye hêj êrîşên hovane dide ser Sûriyan bê ko tu kesan bêpar bike. Piştî ko bêtir 221,434 kes piraniya wan zarok û kal û jin kuştine û bêtir ji nîvê miletê Sûrî penaber û derbider kirine.
Tirad bêtir got ko ev Rêjîm pir zêdegavî kirine, û çekên qedexe bikar anîne, (Xaza Kilor) li gora raporta Komîta Peyketina Rastiyan ya ji bo vekolînê hatiye terxan kirin daye xuyakirin ko Rêjîmê li Sê Gundên Bakur ew çek bikar anîne û di nav bêdengiya Civaka Navdewletî rojane Bermîlên Teqîner bi ser milet de berdide.
Balyoz Tirad got: “nestandina helwesteke tund û vebir da tawankariyên Esed bisînor bike ew sedema serekî ye ko komikên tirorist yên çekdar yên ko Sûriyê ji xwe re xakeke guncaw dîtine, yên ko ala Islamê hildane û Islam ji wan bêrî ye hatine damezirandin”. Bal kêşand ser “tawankariyên ku ew rêkxistin dikin, ne cudane ji tawankariyên Esed”.
Berdevkê fermî yê Hevbendiya Niştimanî Salim Elmislit ji Encûmena Ewlekariya Navdewletî daxwaz kir ko civîneke awarte lidar bixe da biryara 2118an li jêr benda heftan cîbicî bike. Û Tawankarên cengê û di serî de kujer Beşar Elesed bidin Dadgeha Tawankariyên Navdewletî.
Jêder: Hevbendî+Rojnameya Elheyat
