Dezgeha Freedom House ya Emerîkî raporta xwe ya salane derxist ya ko çavdêriya rewşa dîmuqratî û azadiyê li cîhanê dike. Raportê diyar kir ko ev du sala in li ser hev Sûriya jiderveyî lîsta azadiyan e li cîhanê û pleya wê di biniya tunebûn re ye.
Asta Sûriyê di bin siya desthilata Esed de derket pîstirîn dewlet ji hêla azadiyan ve, û di dawiya lîsta pleyên cîhanî de hat, û ji derveyî astan derketiye.
Raportê destnîşan kir ko li 71 welatan rewşa mafên sivîlan û yên mirovahî û siyasî paş ketiye, lê 35 dewletên din baştir bûne, ev tê wayeya ko rewşa azadiyan ji 12 salan ve paşde vedigere.
Raportê destnîşan kir ko Emerîka ji rola xwe ya pê dihat naskirin paş de vegeriyaye, û nema bi rola xwe ya serpereştiya berevaniya dîmuqratiyê radibe, digel paşketina azadiyan û mafên sivîlan bi rengekî bilez li Emerîka bi xwe jî.
Û Sûriyê li pey Başûrê Sûdanê, Erêtêrya, Kûrya bakur, Lîbya, Elbehrên, Elyemen, Îran û Turkumanistan yên ko di navbera 2-4 xalan tomar kirine hatiye.
Sûriyê par jî heman nirxandin bû (- 1) li ser nîşandera azadiyên cîhanê, bi vê yekê jî ji bo vê biwarê pîstirîn dewlet li cîhanê ye, li gora nirxandina dezgeha Freedom House ya maf û azadiyan dişopîne.
Jêder: Nivîsgeha Ragihandinê ya Hevbendiya Niştimanî/Acans
