Nûnera Emerîkî ya Encûmena Ewlekariyê Nêkî Hêlî, hûrbîniyên operasiyonên êşkencedanê yên ko rêjîma Beşar Elesed li dijî girtiyan bikar tîne anîn ziman, û nûnera navnetewtî daxwaz ji Rûsya kir ko têwerdanê bike û fişarê bide ser rêjîmê tako wek ko wê salix da “sosretên Rêjîma Esed ko li zindanan pêktîne” rawestîne.
Balyoza Emerîkî di gotara xwe de ya doh sêşembê, ya berî rûniştina girtî ya Encûmena Ewlekariyê ya taybet bi kêşeya Sûriyê, got ku ew nû ji seredana herêmê vegeriyaye, di seredana xwe de çûye nav derbiderên Sûriyê û wan çîrokên reva xwe û hûrbîniyên êşkencedana di zindanên rêjîmê de dibe jê re gotine.
Hêlî got ko rêjîma Esed di girtina bi dehhezaran ji hevwelatiyên xwe de berdewam e, û êşkenceyeke tund dijî wan dike, û ew di rewişine nemirovanî de tên êşkencekirin, tevlî zorbaziya sêksî jî. Û Hêlî got ku yê ji zindanê rizgar bibe jî nexweşiyên demdirêj lê dimînin.
Ji aliyekî dî ve Stîvin Obirayin emîndarê giştî yê Netewên Yekbûyî yê karûbarê mirovî, got ku zarok zerermendtirîn qurbaniyên cenga rêjîma Esed in, ya ji şeş salan ve li dijî miletê xwe dike, û bêtir zarok têne kuştin û koçberkirin.
Obirayin lîsteyeke hejmarên ko rêkxistina navdewletî belgeh kirine di rûniştina Encûmena ewlekariyê de pêşkêş kirine, û got ku nêzî heft milyon zarokên Sûrî nuha li jêr xêza belengaziyê ne, û dora 1.75 milyon zarokî naçin dibistanan, Obirayin berdewam kir û got: “dibe dora 1. 35 milyon zarok dev ji xwendina xwe berdin”
Alîkarê emîndarê giştî yê Netewên Yekbûyî destnîşan kir ko parek ji sê parên dibistanên Sûriyê rastî xerabkirin û wêraniyê hatine, û got ku eger dibistan ne wêrankirî bin jî, çaryekek ji wan nikarin dergehên xwe li pêş xwendevanan vekin ji ber ko çaryekek ji mamosteyan dest ji karê xwe berdane.
Jêder: Nivîsgeha Ragihandinê ya Hevbendiya Niştimanî/Acans