Hevpeymaniya Navnetewî ya bi rêberiya Amerîka, duhî di daxuyaniyekê de bi kuştina zêdetir ji 1250 kesên sivîl mukur hat, ku bi riya zêdetir ji 34 hezar êrîşên balafirên şer li dijî rêxistina çeteyên DAIŞê li Sûriye û Iraqê, di navbera zêdetir ji 4 salan de hatin pêkanîn.
Hevpeymaniya Navnetewî di daxuyaniya xwe de got ku hejmara kuştiyên sivîl ya hatiye diyarkirin, “bi awayekî bêmebest” ji destpêka 2014’an heta reşmeha îsal hatine kuştin.
Daxuyaniyê diyar kir ku hejmara mirîyan li gor zanyariyên berdest yên Hevpeymaniyê hatiye ragihandin, û got: “Ew hêjî di bikaranîna operasyonên berfireh û sîstematîk berdewam in, ji bo kêmkirina bandora operasyonan li ser xelkê sivîl û binesaziyê “.
Berevajî daxuyaniya Hevpeymaniya Navnetewî, rêxistina ” Air Wars ” ya ku radibe bi serjimêriya kesên sivîl yên têne kuştin ji encama êrîşên hewayî li dinyayê, û got ku nêzîkî 7 hezar û 595 kesên sivîl bi êrîşên hêzên Hevpeymaniya Navnetewî hatine kuştin.
Ku di 10’ê heyva borî de, komkujiyek li bajarê Dêrazorê, ji aliyê Hevpeymaniya Navdewletî ve hatibû pêkanîn, û têde hejmarek welatiyên sivîl, di nav de jin û zarok, ji ber bombebarana asêgehên çeteyên DAIŞ bi êrîşên asîmanî û topan hatin kuştin.
Hevbendiya Niştimanî ya hêzên şoreş û rikberiya Sûriyê gelek caran êrîşên leşkerî li dijî welatiyên sivîl li seranserî Sûriyê şermezar kiribû, û her behaneyek ji bombebarana Hevpeymaniya navnetewî re li ser sivîlan red kiribû, û bang li hêzên hevpeyman kir ji bo sizadana kesên berpirsiyar, û standina tedbîrên pêwîst di dema pêkanîna êrîşên hewayî yên li dijî çeteyên DAIŞê.
Û Hevpeymaniya Navdewletî ya bi rêberiya Amerîka, di destpêka heyva borî de bi kuştina zêdetir ji 1990 sivîlan bi riya êrîşên li dijî çeperên Şamê û Îraqê her ji sala 2014’an ve mukur hat.
Jêder: Ofîsa Ragihandina Hevbendiya Niştimanî ya Sûrî
