Encûmena Ewlekariya navdewletî hişyarî da der barê “têkçûna rewşa mirovî ya derbiderên Helebê yên ber bi gundên rojava ve çûne, û destnîşan kir ko rewşa seqaya nebaş û kêmbûna heyberên jiyanê, jiyana wan kiriye metirsiyê ”, piştî ko bi destê hêzên Rêjîmê û milîtanên wê bi kotekî hatine koçkirin.
Birêveberê Operasiyonên giştî yên karûbarên mirovî ya bi ser Netewên Yekbûyî ve Con Cîng, rewşa li Sûriyê bi “bobelatî” salix da, û tekez kir ko “nêzî 13.5 milyon kesî hewcedarên alîkariyên mirovî ne, û 9 milyon kes derdê birçîbûnê dikêşînin.”
Toreya Sûriyê ya Mafên Mirovan diyar kir ko Rêjîma Esed pîstirîn rêjîm e di cîhanê de ji hêla bikaranîna teqemeniyên Goşeyî di salên buhirî de, û hejmara êrîşên ko Toreyê ji bikaranîna yekem ve tîrmeha 2012an, heta 15 çileyê pêşî 2016an, belgeh kirine, ne kêmî 232 êrîşan e. Û destnîşan kir ko hêzên Rûsî jî çekên goşeyî bikar anîne û hejmara êrîşên wan ne kêmî 147 êrîşan e, û ev ji destpêka dijminkariya wê ya di 30.09.2015an de ve hatine belegkirin.
Toreyê di raporta derbarê bikaranîna hêzên Esed ji çekên goşeyî re yên ko pê li sivîlan dane de got ko 25 sivîl di bombebarana bajarê Meyadîn li gundewarê Dêra zorê şehîd ketine, her weha Toreyê amanckirina geraca bajarê Meyadîn bi mûşekên bi teqemeniyên goşeyî barkirî ji hêla firokên rêjîmê roja pêncşembê belgeh kirine.
Raportê got ko bikaranîna hêzên Esed ji teqemeniyên goşeyî re binpêkirineke ji pirinsîbên ku dibêjin divê asata giranbûna çekên tên bikaranîn li gor hêza tiştê armanckirî be, ya di yasaya navdewletî ya mirovî de hatiye, û ew dikeve rêza tawanên cengê de, û tekez kir ko zanyarî destnîşan dikin ko ew li dijî amancên sivîl û ne lidijî yên leşkerî bikar hatine.
Toreyê tekez kir ko hêj rêjîm di bikaranîna teqemeniyên goşeyî de berdewam e, tev ko 140 dewletî di rêya komlegeha Netewên Yekbûyî re pirotesto kirine. Ev tê wateya ko biryarên civaka navdewletî sivik tên dîtin, tev ko ew ji hêla piraniya dewletan ve hatiye pirotestokirin.
Jêder: Nivîsgeha Ragihandinê ya Hevbendiya Niştimanî+Acans
