Con Kêrî, wezîrê karûbarê derve yê Amerîkî, tekez kir ku gera nû ya danûstandinan ya çavrêkirî li Cinêvê derbarê veguhestina siyasî li Sûriyê wê “ezmûnek be der barê ma gelo Beşar Esed wê karibe bi nêteke paqij goftûgoyan bike an na”.
Û Kêrî ji kenala Bilûmbirc li Niyoyorkê, dusêşembê, got ku ” tiştê bingehîn ana ew e asta karîna Esed di danûstandinên paqij de, û divê em vî tiştî taqî bikin”, û got:ku Tu Rê ji bidawîkirina êşa gelê Sûriyê re bi berdewamiya mana Esed di desthilatê de tune ye.
Û Kêrî got û amaje kir ” ez tu riyê nabînim ji mana Esed re, ji ber ku tu rê ji bidawîkirina cengê re bi mana wî di desthilatê de tune ye, û tu riya bidawîkirina tundûtûjiyê tune ye û nejî riyên ku ew karibe pê welat bike yek .
Lewra divê Îran û Rûsya û ji bilî wan jî mukur werin ku eger ew bixwazin aşîtiyê bicî bikin divê Esed bar bike”.
Û axêverê bi navê wezareta karûbarê derve yê Amerîkî Mark Toner bi xurtî tekez kir li ser ku divê gera bê ya danûstandinan, giranî û giringiyê bide kêşeya bingehîn û ew jî veguhestina siyasî li Sûriyê ye, tevlî çarenûsa siberoja Esed.
Her wiha Ehmed Fewzî axêverê bi navê netewên yekbûyî ji rojnemavan re got; ku ew pêşbîn dike, gera duyem ji danûstandinan roja duşemba bê li Cinêv careka din dest pê bike.
û Stîvan Dîmistora şanderê netewên yekbûyî bo Sûriyê duh roja sêşembê serdana Mosko kir ji bo haziriya gotûbêjan bike, û dîmistora di kongireyekî rojnamevanî de da xuyakirin ku pirosêsa siyasî ew hêmanê bingehîne ji bo kar li Sûriyê, û hêviyên xwe diyar kirin ku ew têkeve qûnaxeke nû de.
Û Dîmistora wiha jî got: em hewcedarên berdewamî û pêşxistina pirosêsa siyasî ne, û divê em kar ji bo bihêzkirina wê bikin da em bêhtir pêş bikevin û ev e binyata bizava me ye li gor biryara Encûmena Ewlekariyê ya hejmar 2254 û ragihandina giştî derbarê qûnaxa veguhêz”.
Jêder: Acans
