Nûnerê Kiwêtê li Neteweyên Yekgirtî, Mensûr El-Itêbî êrîşên asîmanî yên dawî yên hêzên rejîma Esed û hevalbendên wê li ser sîvîlan û jêrxaneya sivîl li deverên kêmkirina şer li Sûriyê şermezar kirin.
Di gotinekê de doh, di rûniştineke Encûmena Ewlekariyê de derbarê rewşa mirovî li Sûriyê, El-Itêbî tekez kir ku divê tedbîrên pêwîst bên kirin ji bo parastina sivîlan û jêrxaneya sivîl, herwiha parsatina karmendên warê mirovahî yên ku rasterast di êrîşên dawî de hatine aranckirin,li gor pabendiyên yasaya navdewletî û yasaya navdewletî ya mirovahî û yasaya mafên mirovan.
El-Itêbî behsa”Êş û azar”ên ku sivîlên li hejmarek deverên bakurê Sûriyê rastî wan tên kir, ku ji meha Nîsana derbasbûyî de rastî helmeteke leşkerî tên, û di encamê de bi sedan kes hatin kuştin û birîndarkirin û bi deh-hezaran kes ji bajar û gundên xwe derketine.
El-Itêbî Encûmena Ewlekariyê bi berpirs beramber gelê Sûriyê dizane, û bi taybetî ewên ku li Idilibê dijîn û rastî helmeteke leşkerî ya tund tên, û mixabiniya xwe anî ziman derbarê neyekbûna Encûmena Ewlekariyê li ser çend destpêşxêriyan bo biryardana çend projeyên daxuyaniyan derbarê tundtirkirina şer û bandora wê li ser welatiyên sivîl di çend mehên derbasbûyî de.
Nûnerê hertimî yê welatê Kiwêtê li Neteweyên Yekgirtî daxwaz ji aliyên bibandor kir ku rêzê li biryarên Encûmena Ewlekariyê yên girêdayî pirsên sivîl bigrin, bi taybet herdû biryarên 2286 û 2427 ên taybet bi parastina nexweşxane û dibistanan.
Ev yek di demekê de tê , piştî ku Neteweyên Yekgrtî bi fermî û ji bo cara yekemîn roja Sêşemê, di riya raporta wekîlê Emîndarê Giştî yê Neteweyên Yekgrtî bo karûbarê mirovî û hevrêzkarê karûbarê hawarçûna bilez Mark Lokokm li pêşiya rûniştineke Encûmena Ewlekariya navdewletî derbarê Sûriyê, Rûsiya bi piştevaniya rejîma Esed û pêkanîna komkujiyan li Idlibê tawanbar kir.
Ji aliyê xwe ve, Hevbendiya Niştîmaniya Hêzên Şoreş û Dijberiya Sûriyê tekeziya xwe bo piştevaniya projeyê ku hin endamên Encûmena Ewlekariyê pêşkêş kirbûn nîşan da, bo destpêkirina lêpirsîneke navdewletî derbarê armanckirina rejîma Esed û Rûsiya ji cihên sivîl û baregehên tenduristî re li Idlib û gundewarê Hemayê di dema sê mehên derbasbûyî de.
Jêder: Ragehandina Hevbendiya Niştîmaniya Sûriyê
