Entoniyo Gotîrîs karsparteyê bilinid yê Karubarên penaberan, rewşa penaberên Sûriyê da zanîn ku “mezintirîn bobilata mirovî ye her ji duwemîn cenga Cîhanî ve”, û navborî got ku “hejmara Sûriyên penaber yên di qeydên karsparteyê de gihiştine 3 milyon û nehsed hezar û 89 penaberî, ev ji bilî ku bi sedhezaran kesên ji welatê xwe revîniyane û navên wan nehatine tomarkirin di qeydên karsparteyê de”.
Gotîrîs daxwaza vekirina dergehê tomarkirina penaberên Sûrî û hêsankirina derbasbûna Sûriyan li ser asta Cîhanê kir, ji bo xistina wan li nav pirogramê parastina Xêzan û zarokan û got: ” Dilê min tê sotan li ser wan kesên di hewla çûna Ewropa de bi rêka ava derya Sipî di avê dixenqin û dimirin yan yên rastî destdirêjiyê dibin”.
Karsparteya bilind derbarê awareyên di hindur Sûriyê de got: ku niha 7 milyon û nîv milyon aware hene, ku gelek rêxistinên hawarhatinê hewla alîkariya wan didin, lê ew alîkarî bi awayekî nebaş digihin wan xirabtir ji alîkariyên digehin penaberên derveyî Sûriyê; ji ber ku ew yekser rastî şer û pevçûnan tên lewra gelek zehmetî dikevin pêş gihandina wan de”.
Hêjaye gotinê ku Hîşam Merwa Cêgirê Serokê Hevbendiya Niştimanî di demeke berê de tekez kiribû ku “rêjîma Esed û bi dirêjahiya çar salan bi encamdana tawanên dijî wijdana mirovahiyê rabûye, û sersariya Civaka Navdewletî di rûbirûbûna tawankariyan de bûye alîkar ji rêjîmê re”.
Hîşam Merwa zêdetir got ku baredoxên zehmet yên rêjîma Esed li ser bisedhezarên Sûriyan û aware û penaberên Sûrî di kampan de yekser disepîne “berpirsyaretiyê têxe stûyê dewletên Cîhanê da danûstandinê digel derdeseriyên gelê me û doza wî ya siyasî û mirovî û exlaqî bikin”.
Merwa daxwaza ” çareserkirina sedemên rasteqîne yên terorê û bidawîkirina rêjîma Esed, çavkaniya serekî ya terorê”ji dewletên şermezarkerên encamên terorê kir.
Jêder: Hevbndî+ Elcizîre
