Komkara Erebî daxwaza destêwerdana bilez ji Civaka Navdewletî kir ji bona misogerkirina netevlîkirina kampa Yermûk û kampên Filistîniyan di nav şerê rêjîma Esed de li dijî miletê Sûriyê, û herwiha bêlakirina wan bi şêweyekî vebir ji agirê şer û pevçûnan.
Komkara Erebî di daxuyaniyekê de duhî got ku “ew bi dilêşî baredoxên pir bi tirs yên penaberên Filistînî li Sûriya dişopînin, yên ku hejmara wan bêhtirî 500 hezar penaberî ye yên ku rastî destdirêjiyên nemirovî tên”.
Komkara Erebî di daxuyaniya xwe de hişyarî da li ser ku ” penaberên Kampê bi hemû temenên xwe ve û tevlî zarokan jî, ew zerermendtirîn penaberên yên tûşî mirinê dibin bi sedema şer û dorpêçkirinê û bi egera kêmbûna xizmetguzariyên pizîşkî û bilindbûna nirxê kelûpelan û kêmbûna xwardemenî û sûtemeniyê û zêdebarî seqaya dijwar û zehmetiya derbasbûna ajansên “hawarhatin û karkirina penaberên Filistînî” (Unrewa) di hindur kampê de bo pêşkêşkirina xizmetgozariyan bo penaberan ji egera şer û pevçûnên diqewmin.
Herwiha Komkara Erebî daxwaz ji hemû aliyên kartêker kir ku bi berpirsyaretiyên xwe rabin û herwiha alîkariyên rewştî û mirovî pêşkêş bkin bo penaberan hevkok digel soznameya mafên mirov ya Jinêva çaremîn ya sala 1949.
Hêjayê gotiyê ye ku; Xalid Xoca Serokê Hevbendiya Niştimanî ji dewletên Hepeymaniyê û ji Netewên Yekgirtî û dewletên Erebî daxwaza rizgarkirina bilez ji kampa Yermûkê re ji bermîlên Beşar Esed û ji kêrên rêxistina DAIŞê kiribû, yên milbimil û bi hevre êrîşî kampê dikin.
Serokê Hevbendiyê bangewaziya başamedeyê ji tabûrên leşkerî yên şoreşger li başûr û gundewarê Şamê kiribû, ku bilez bihawar û piştgiriya şoreşgerên di hindur kampê de biçin bo rûbirûbûna êrêşên dijwar yên dijî kampê û herwiha bo têkşikandina hevpeymaniya biqirêj ya di navbera DAIŞ û rêjîmê de ya ji bona kontrolkirina Kampa Yermûk.
Herwiha Serokê Hevbendiyê ji Rêxistinên mirovî daxwaza derbaskirina alîkariyên xorakî û pizîşkî bo hindurê kampê kiribû, û daxwaza peydakirina kirîdorên aram kiribû ji bona derketina kesên xudan tengaviyên mirovî yên zehmet ji Zarok û jin û pîran.
Jêder: Hevbendî
