Komkara Erebî red kir ku ti lihevkirin di nav dewletên Ereb de li ser vegera Esed bo komkara Erebî hebe, û tekezî li ser redkirina xwe ya bi yekcarî ji biryara Trump ya derbarê Colanê re kir.
Duhî yekşembê komkara Erebî li paytexta Tûnisê karê xwe bidawî anî. Û emîndarê komkara erebî Ehmed Ebû Elxêt got ku vegera Sûriyê bo komkara Erebî babeteke hestyar e, û diyar kir ko “ev mijar hestyar e ji ber her ev babet tête tevdan hinek dibêjin ku hîn dema wê nehatiye, û hinên din dibînin ko ew ne li ser lîsta karê me ye, û hinên din dibêjin ku pêdiviya me bi pirosêseke siyasî ya Sûrî li ser li hev bikin heye”.
Emîndarê giştî yê komkara Erebî dibîne: ‘’ev pêşniyaz hemû hêj ne gehane, û axaftin li ser wan jî hêj jê re divê.‘’
Reşbeleka dumahîkê ya komkara erebî biryara Emerîkî ya danpêdana desthilatdariya Israyîla dagîrker ji Colanê re red kir.
Reşbelekê biryara Emerîkî red kir û got ku ew binpêkirineke metirsîdar e ji peymana Netewên Yekgirtî re, ya ko rê nade destdanîna ser erdê hinên din bi darê zorê, li gora biryara Encûmena Ewlehiyê ya bi tevahiya dengan derketiye, û bi taybetî biryara 242 ya sala 1967 û biryara 497 ya sala 1981, ya destnîşan kiriye ko ew danpêdanê bi desthilatdariya Israyîlê li ser Colanê nake.
Reşbelekê tekezî li ser mafê Sûriyê yê vegerandina Colanê kir, her weha dibîne ko biryara Emerîkî li dijî berpirsiyariya wê ye wek endameke herdemî di Encûmena ewlehiyê de, û daxwaza rêzgirtina peymana Netewên Yekgirtî û biryarên Encûmena Ewlehiyê kir.
Jêder: Ofêsa Ragewhandinê ya Hevbendiya Niştimanî
