Kongirê bexşandanê yê sêyemîn ji bo piştgiriya Miletê Sûriyê yê ko Kiwêt mêvandariya wî dike bi amadebûn û serpereştiya Emîrê Kiwêtê Şêx Sebah Elehmed Elcabir Elsebah Îro sibehê dest pê kir
Şandeyên 78 Dewletan ji tevahiya Cîhanê, û 40 Komît û Rêkxistinên Navdewletî beşdar bûne. Ji bo hewldana ko derdkêşiya miletê Sûriyê yê ko Rêjîm ev çar sal in pê re şer dike, sivik bikin.
Netewên Yekbûyî ragihand ko ewê di kongir de bangê bide da 8.4 Milyar Dolar bide hev, ji wan 5.5 Milyar ji bo Penaberên Sûriyê yên li dewletên hawîrdor dijîn û 2.5 Milyar ji bo derbiderên hundir û dê pêşnyazeke nû pêşkêş bike da qeyrana Penaberan çareser bibe.
Emîrê Kiwêtî di destpêka kongir de di axaftina xwe de got ko Kiwêt wê 500 Milyon dolar ji bo rewşa mirovî li Sûriyê bexş bike.
Elsebah got ko Encûmena Ewlekariyê ev pênc sal ji dîtina çareseriyekê re li Sûriyê bêçare bûye û destnîşan kir ko du milyon Zarok bi encama şer ji xwendinê bêpar bûne, her wiha destxweşî li bizava Dewletên ko Penaberên Sûrî dihewînin kir.
Ji aliyê xwe ve Emîndarê giştî yê Netewên Yekbûyî Ban Kî Mon ragihand “4 Sûrî ji eslê 5an di belengazî û rebeniyê de dijîn, Welat nêzîk 40 salî ji pêşveçûna mirovî paş ketiye. ”
ji aliyekî dî ve li tenişta vî kongirî, kongirê navdewletî yê sêyem yê Rêkxistinên Xêrxwazî Yên Nedesthilatdar ko Desteya Xêrxwaziyê ya Islamî pê rabûye, bi beşdarbûna 100 Rêkxistinên xwecihî û herêmî û navdewletî û 140 kesayetiyên xêrxwaz ewên piştgiriya karê xêrê dikin. 520 Milyon dolar ji bo piştgiriya Penaberan kom kirine.
ji nav Rêkxistinên di Kongirê Bexşdariyê de Heyva Sor ya Qeterê û Dezgeha Ihsan ya Islamî ya Kiwêtê û Dezgeha hawarçûna mirovî ya Tirkî ya nefermî beşdar bûne. Û evê rêkxistina Tirkî mezintirîn tibabê pereyan kom kiriye tevlî 100 milyon dolar mîna sozên alîkariyê.
Hevrêzkara Operasiyonên Hewarçûnên Awarte li Netewên Yekbûyî Valêrî Amos ragihand ko rewş li Sûriyê pir dijwar bûye çimkî ji Adara 2011an heta nuha 215 hezar kes hatine kuştin, ji nav wan 76 hezar sala 2014an hatine kuştin.
Netewên Yekbûyî destnîşan kir ko yek ji eslê du Sûriyan bi sedema Cengê derbider bûye. Û ev rêje bobelateke herî mezin e ji 20 salan ve çê nebûye.
Her wiha cîgirê Serokê Hevbendiya Niştimanî Hişam Merwa di daxuyaniyeke berê de gotibû: Rêjîma Esed ne tenê agir û kuştin li dijî milet bikar aniye da Şoreşa wî têk bibe, lê belê nehiştiye alîkariyên mirovî jî bigihên bi sedhezarên kesan ji milet ew yên ko li Herêmên dorpêç li ser wan daniye.
Merwa salixa tiştê ko dibe ji birçîbûn û dorpêçkirinê da ko ew tawankariya cengê ye û qirkirineke komel e di derheqê Sivîlan de li ewan Herêman tê meşandin.
Cîgirê Serokê Hevbendiyê “berdewambûna dorpêçê û birçîkirina milet”protesto kir. Û giringî da ser ko “gerek bilez çareser bibe li gora ko di biryarên Encûmena Ewlekariyê ya hejmara 2139 û 2165 de hatiye” yên ko bi tundî zêdegaviyên rêjîma Esed li gora yasaya navdewletî ko dijî mafên mirovan kiriye protesto dikin. û daxwaz dikin ko dorpêç ji ser hemû Herêmên Sûriyê yên dorpêçkirî rabe, û alîkariyên mirovî wek derman û alavên pizîşkî bê erêkirina Esed derbas bibin.
Jêder: Hevbendî+Acans