Rawêjkara Almanya Angela Merkel, duhî roja duşembê li havîngeha “Biarritz” ya Fransa, tekez kir ku bêyî gihîştina çareseriyek siyasî bi riya proseya sîyasî ji hêla Netewên Yekbûyî ve ji bo bicîhkirina biryara NY ya 2254, welatê wê di prosesa nûvakirinê de li Sûrîyê beşdar nabe.
Merkel di danûstandinên digel lîderên Koma heft dewletên pîşesaz de, behsa girêdana prosesa nûavakirinê li Sûriyê bi pêvajoya siyasî kir, û tekez kir ku ew hizr nake ku alîkariya Sûriyê bêyî vê pêvajoyê bibe, û herweha behsa pêşkeftinên bûyîn ji bo bizavên avakirina komîteyek destûrî kir.
Merkel got ku “dibe pêvajoyek wisa zû dest pê bike, ji ber amadekarîyên bûne pêşkeftinek berbiçav û berfireh pêk anîne”.
Merkel lê zêde kir ku serkeftina van hewldanên weha, tê bi wateya “derfetên destpêkirina axafinan bo yekemîn car bi awayekî rêkupêk li ser paşeroja siyasî li Sûriyê”, û baweriya xwe bi hebûna delîveyekê li pêş pêvajoya siyasî li Sûriyê xuya kir.
Herweha Hevbendiya Niştimanî ya hêzên şoreş û rikberiya Sûriyê berî niha gotibû ku nabe behsa nûavakirinê bikin bêyî destpêkirina çareseriyek siyasî ji bo dabînkirina daxwazên gelên Sûrî ji bo azadî û serbilindiyê ya bê zulm û zordarî, û bal kişandibû ku nabe behsa nûavakirinê bikin di dema ku rejîm gund û bajarokan bi ser serê xelkê wan de wêran dike, û welat ji hêla rêjîmê û hevalbendên wê ve topbaran dibe û tê wêrankirin.
Jêder: Ofîsa Ragihandina Hevbendiya Niştimanî Sûrî