Netewên Yekbûyî got ku ewê hevrêzkarekî ji bo çarenivîsa Girtiyan di zindanên Esed yên ko gelek ji wan di bin êşkence û birçîbûn û kuştinê jiyana xwe jidest didin destnîşan bike, ew girtiyên hejmara wan digihê bêtir ji 215 hezaran li gora texmînên mafnasan.
Şandyarê Netewên Yekbûyî yê taybet bo Sûriyê Stîvan Dî Mistora got ko ewê pisporekî di evê biwarê de di çend rojên dahatî de destnîşan bike. Dî Mistora ji Rojnamevanan re got: ev kêşeyeke gelekî hestyar e… hinek gotgot hene dibêjin ko eger navê girtiyekî tê ziman ew girtî yekser tête windakirin.
Du Diblomasiyan ji Royterz re gotine pisporeke berê ya Komîta Navdewletî ya Xaça Sor ji bo evî karûbarî hatiye destnîşankirin. Yek ji herdu diblomasiyan got dibe ko ev Pispor roja Duşemba dahatî dest bi karê xwe bike.
Yek ji sedemên ko komîta bala ya danûstandinên Cinêvê, gera nuha bidûr xistiye ewe ko Rêjîmê girtî bernedane, doz kir ko hemû girtiyên siyasî bêne berdan li gora biryara Encûmena Ewlekariyê 2254 û Desteyê doz li Netewên Yekbûyî kir ko zû di evê kêşeyê de tevbigere.
Vekolînerên Netewên Yekbûyî gotine ko Rêjîma Esed hejmareke mezin ji Girtiyan kuştine digihê asta qirkirina milet, wênekêşekî ji rêjîmê cudabûyî 55 hezar wêne ji Zindanan derxistine ji 11 hezar Girtiyî re di bin êşkenceyê de di Şaxên Ewlekariya Rêjîma Esed jiyana xwe jidest dane, ew bi dosya Sîzer tête nas kirin.
Jêder: Hevbendî+Acans
