Berdevkê fermî yê Karsparteya Bilind ya Mafê Mirovan, Robêrt Kolfêl, nerehetiya xwe li ser rewşa girtîgehên rêjîma Esed diyar kir, û bal kişand ku rewşa girtiyan di girtîgehên rêjîmê de cihê metrsiyê ye, û bi taybet zindana Sêdnaya ya leşkerî li Şama paytext.
Roja Înê, 3 heyva Nîsanê, careke din Netewên Yekbûyî doz li rêjîma Esed kir ku girtiyên siyasî serbest berde, ji ber egera belavbûna veyrûsa Korona (covid19) di nav girtiyan de bilinde, û Kolfîl ragihand ku Sûrî yek ji dewletên ku bi pêrabûnên di vê çarçûveyê ranebûye, û bal kişan ku zarok û jin û kalemêrên binçavkirî di zindanên Esed de, rastî rewşeke xerab tên, û ti çavdêriya tenduristî ji wan re peyda nabe.
Di heman mijarê de, Kolfêl diyar kir ku berî belavbûna veyrûsa Korona, gelek rapor dighiştin me, têde hejmarek mezin ji kuştinê di zindanê rêjîmê de hebû, ji ber rewşa xerab û eşkenceya dij’ wan dibe, û ji ber kêmbûna çavdêriya tenduristî.
Ji hêla xwe ve rêxistina Lêbûrîna Navdewletî, berî çend rojan, doz li rêjîma Esed kir ku girtiyên ku di zindane de, û yên di navendên tenduristiya leşkerî de, ji ber metrsiya belavbûna Korona serbest berde .
Hevbendiya Niştimanî ya Hêzên Rikberî û Şoreş Sûrî, doz li Netewên Yekbûyî û hemû dezgehên Navdewletî kir, ku fişaran li rêjîma Esed bikin, da serdana girtiyan bibe û çavdêriya tenduristî ji wan re bê pêşkêşkirin û serbest bêne berdan.
Jêder: Ofîsa Ragihandinê ya Hevbendiya Niştimanî ya Sûrî
