Ev yekem car e belegeyeke navnetewî navê Beşar û birayê wî yê piçûk Mahir di vekolînên li ser çekên kîmawî li Sûriyê diyar dike, û tekez kir ko destê wan bi xwe di êrîşên bi çekên qedexeya navdewletî dijî sivîlan heye.
Acansa Royterz diyar kir ko ev yekem car e vekolînerine navdewletî dibêjin ku guman heye ko Beşar Elesed û birayê wî Mahir berpirsiyarên bikaranîna çekên kîmawî ne.”
Vekolîna hevbeş ya Netewên Yekbûyî û Rêkxistina qedexekirina çekên kîmawî, yekîniyin di nav hêzên rêjîmê de destnîşan kirine û navê çi serpereşên siyasî an leşkerî negotiye.
Acansê amaje kir ko “lîsteyê pal daye ser çend nîşanên ko tîma Netewên Yekbûyî û Rêkxistina Qedexekirina Çekên Kîmawî li Sûriyê dane wan, û li ser pêzanînên ji acansên ewlekariyê yên biyanî û yên herêmî.”
Û nasnameya 15 kesan destnîşan kiriye û “wê vekolîn di derbarê bikaranîna çekên kîmawî di sala 2014, 2015” li ser wan bibe, û rola wan diyar nekiriye, lê naznavên wan anîne ziman û lîste ji sê beşan pêk tê.
Beşê yekem, li jêr navûnîşana “kesên nêzîk Beşar”, ew jî şeş kesin ji nav wan jî Beşar û Birayê wî yê ko firqeya çaran birêve dibe, û wezîrê berevaniyê û serokê ewlekariya leşkerî, û beşê duyem navê serpereştê hêzên asmanî û çar ji serpereştên alayên hêzên asmanî û ji nav wan jî serpereştê firqa 22 ya hêzên asmanî û lîwayê 63 ya firokên hilîkopter, û ev yekîne berê jî vekolînê diyar kiribû ko bombeyên gaza kilor avêtine, û lîsteya sêyem “leşkerin mezin ên têkildar in” navê 2 Eqîdan û 2 lîwayan tê de heye.
Û tê dîtin ko Beşar û hin takesên malbata wî berpirsiyar in di ber bidehên êrîşên bi çekên kîmawî dijî miletê Sûrî, û ya herî giran di 21 tebaxa 2013an dijî Xûta li gundewarê Şamê bû, ko dora 1200 şehîdî piraniya wan jin û zarok bûn têde bûn qurbanî.
Jêder: Nivîsgeha Ragihandinê ya Hevbendiya Niştimanî/Acans