Emîndarê Giştî yê Netewên Yekbûyî, António Guterres, hişyarî da berdewamiya beşdarbûna milîsên Hizbullah a terrorist li kêleka rêjîma Esed li Sûriyê, û daxwaz ji Hikûmet û Artêşa Libnanî kir, daku çekan ji van milîseyên ku bûne sedema nearamiya deverê bistîne.
Û Guterres, di civîneke girtî li Encûmena Ewlehî ya Navdewletî de got ku ez hîn Hikûmet û Hêzên Artêşa Libnanê han didim ku tevdîrên pêwîst bikin, û nehêlin ku Hizbullah û komên din yên çekdar çekan bi dest xwe ve bînin, û li dervayî deselata dewletê hêzên leşkerî ava bikin.
Û Emîndarê Giştî bal kişand ser berdewamiya beşdariya Hizbullah di nakokiyên Sûriyê de, ya ku dihêle Libnan têkeve dava nakokiyên herêmî û bibe sedema têkçûna aramiyê li Libnan û deverê.
Û berî bi demekê Hevbendiya Niştimanî ya Hêzên Şoreş û Rikberia Sûrî, di daxwiyaniyeke xwe de tekez kiribû ku gelê Sûriyê û tevaya gelên herêmê, bihêvî ne ku rola vê rêxistina terrorist ya desteka rêjîmê û Îranê ye bi dawî bibe, û got ku ew bendewarên dawiyanîna li bobelatên ku vê rêxistinê anîne ser gelê deverê.
Hêjayî gotinê ye ku dengên herêmî û navdewletî yên ku dixwazin çek ji Hizbullah werin standin jber kiryarên xwe ve li çend dewletên deverê yên nakokî lê hene bilind dibin, yaku dihêle derfetên çareya siyasî li wan dewletan û bi taybet li Sûriyê têk biçe.
Tê zanîn ku herdû dewletên Almaniya û Birêtaniya ew rêxistina bi herdû beşên xwe yî siyasî û leşkerî kirin rêza rêxistinên terortîst, û çalakiyên wê rêxistinê li welatên xwe qedexe kirin, û Hevbendiya Niştimanî tevaya dewletan han dan ku gavên bi wî awayî bavêjin, jiber ku wê rêxistinê li pir dewletan tewan çêkirine.
Jêder: Ofîsa Ragihandinê ya Hevbendiya Niştimanî ya Sûrî
