Netewên Yekgirtî li ser zimanê berdevkê emîndarê rêkxistina navdewletî Entonyo Gotrîş dîsa hişyarî dan li ser berdewamiya êrîşên hêzên rêjîma Esed û Rûsya li ser Idlibê, û bal kêşand ser ko ew jiyana sê milyon kes dike metirsiyê, piraniya wan jin û zarok in.
Berdevkê emîndarê giştî yê Netewên Yekgirtî Stîvan Dogrîk duhî çarşembê tekez kir ko Emîndarê giştî êrîşên berdewam li ser sivîl, nexweşxane û dibistanên Idlib pirotesto dike.
Dogrîk bêtir got ko êrîşên li ser Idlib bêtir bûne û bandorê li ser jiyana sê milyon sivîl dike, û destnîşan kir ko operasiyona leşkerî di çar heyvên bûrî de bêtir ji nîv milyon kes ji malên wan derbider kirine.
Dogrîk li ser giringiya peymana agirbestê ya navbera Tirkiyê û Rûsya derbarê herêma kêmkirina şerî sala bûrî çêbû tekez kir, û daxwaz kir ko rêz li yasaya navdewletî ya mirovî bê girtin.
Berpirsiyarekî navnetewî anî ziman ko raportine tirsank li ser operasiyonên derbideriyê ji wan re hatine, çalakvan jî destnîşan dikin ko rewşa mirovî li herêmê pir aloz e, hin xelk li zevî an di turumbêlan de radikevin.
Serokê Heyva Sor a Tirkî Kerem Qiniq ji dubarekirina sînaryoya Helebê li Idlib hişyarî da, û destnîşan kir ko divê aliyên din yê sînor karibe bi milyonan penaber hilgire.
Qiniq got ku rêjîma Esed berdewam e di amanckirina sivîlan de, ko rewşeke bêserûberî pêk aniye û pêleke derbideriyê ber bi aliyê bakurê Idlibê li Sûriyê çêkir, û tekez kir ko Tucaran di kampan de hilnayên.
Ofêsa Ragehandinê ya Hevbendiya Niştimanî/Acansa Enadol
