Netewên Yekgirtî rexne li agirbesta Rûsî ya berovajî biryara 2401 kir, û hişyarî da ser berdewamiya bombebarana li ser Xûta rojhilat û necîbicîkirina biryara navdewletî, di heman demê de, îro roja pêncşemê kuştina sê sivîlan ji aliyê çalakvanan ve li bajarokên “Elmirc” û “Keferbetna” û “Hemoriyê” hat ragihandin.
Birêkarê sikirtêrê giştî yê NY yê karubarê mirovî û hevrêzkarê hawarhatina awarte Mark Locke, duhî di raporteke xwe de li konseya ewlekariyê li Niyoyorkê hişyarî dabû ser mirina sivîlên dorpêçkirî li Xûta rojhilat ji birçîna, û gotibû heger agirbest li Sûriya cîbicî nebe, “wê li nêzîk bête dîtin ku mirina kesên ji birçîna wê ji yên ku bi bombebaranê têne kuştin zêdetir bibe “.
Locke tekez kir ku rewşa mirovî bi çi awayekî baş nebûye her ji biryara agirbesta 30 rojî ya li şemiya borî ji aliyê konseya ewlekariya navdewletî hatiye standin, û cext kir ku pêşniyra Rûsî ya bi agirbesteke rojane 5 demjimêran, dema wê kurte û têra derbaskirina karwanên alîkariyên mirovî nake.
Û serokê desteya danustandinên Sûriyê Nesir Elherîrî li ser malpera xwe ya” Tiwetter” gotibû: “konseya ewlekariyê li benda çi ye, eger zane ku Rijêm û hevalbendên xwe biryarên koseya ewlekariyê cêbicê nakin û bi agirbestê pabend nabin, hevdem ku hêjî Rijêm berdewam e di bikaranîna çekên kêmiyayî de û sivîlên bêguneh armanc û dorpêç dike “.
Hevbendiya Niştimanî ya Hêzên Şoreş û Rikberiya Sûriyê hişyarî dabû li ser komkujiyên qirkirinê eger bombebarana li ser Xûta rojhilat berdewam be, hevdem ligel zêdebûna êrîşên leşkerî yên dijwar li çend heftiyên borî û yên bûne sedema bi sedên qurbaniyan her ligor raportên rêxistinên mafnasî.
Jêder: Ofîsa Ragihandina Hevbendiya Niştimanî
