Mezintirîn rawêjkarê Netewên Yekgirtî bo Sûriyê Yan Igland hişyarî da ji metirsiya rewşa bajarê Idlib piştî ko koçberên Xûta rojhelat gihanê, ev di heman çaxê ko Hevbendiya Niştimanî tekezî li ser parastina sivîlan kir tako çi bobelateke mirovî ya din çênebe.
Igland piştî civîna Cinêvê ya tîma karê mirovî li Sûriyê ji rojnamevanan re got: nîv milyon zilam û jin û zarok di sê heyvên dawî de ji Xûta rojhelat hatine Idlib û herêmên derdorê.
Igland salixê operasiyonên koçkirina kotekî ya sivîlan da û got ku ew “pêrabûnin bêhêvî ne di çaxekî neguncaw de” û aşkere kir ko 133hezar jin û zarok û zilam ji Xûta ji 9ê Adara borî de koçber bûne.
Mezintirîn rawêjkar diyar kir ko li parêzgeha Idlib bi tena xwe dora 1.5 milyon kes li cihên corbicor derbider bûne êdî ew bûye mezintirîn kamp li ser zemînê.
Li ser rewşa mirovî li Dûma, mezintirîn rawêjkar mikur hat ko ji nîveka heyva borî de dema karwanê hevbeş di navbera dezgehan de giha, hîn ti alîkarî negihane herêmên dorpêçkirî.
Serokê Hevbendiya Niştimanî Ebdulrehman Mistefa çend name ji netewên yekgirtî û komkara Erebî û hevalên miletê Sûrî re şandin, di wan nameyan de rewşa metirsîdar û ya nediyar ya parêzgeha Idlib û gundewarê wê şirove kir, û got ku bêtir ji du milyon kes piraniya wan koçberên kotekî ne li cihên corbicor bicih bûne.
Serokê Hevbendiya Niştimanî tekez kir ko zincîra oprerasiyonên koçkirina kotekî tawankariyên cengê ne, û nabe çav jê bên girtin, û daxwaz ji civaka navdewletî kir ko helwestin wêrek di rûyê tawankariyên rêjîma Esed û Rûsya yên derheqê sivîlên Sûriyê de dikin bistînin, û operasiyonên koçkirina kotekî û guherîna dîmugrafî rawestînin.
Jêder: Nivîsgeha ragehandina ya Hevbendiya Niştimanî
