Netewên Yekgirtî ragihand ko, ji destpêka cenga Esed li ser Milet, ji pênc salan ve, wê kuştina 700 Bijîşk û karkirên biwara Bijîşkiyê li Sûriyê ji encama êrîşên li ser Nexweşxanae û Navendên Bijîşkiyê belgeh kiriye.
Serokê Komîta Netewên Yekgirtî ya vekolînê li Sûriyê yê Berazîlî Pawlo Bînhîro, di gotara xwe ya li Cinêvê de, doh Sêşembê, operasiyonên bombebarana asmanî yên ko Nexweşxane û Bingehên Nojdariyê amanc dikin û ziyanê digehînin Milet rexne kir.
Bêtir got: “di dema ko hejmara qurbaniyên sivîl zêde dibe, hejmara avahî û karkerên biwara Bijîşkî kêm dibe, û ev wergirtina çareseriyê dijwar dike. ”
Jibil Hêzên Esed, Rûsya jî çend Nexweşxane yên ko di Herêmên rizgarkirî de li Parêzgehên Helebê, Îdlib, Laziqiyê û Dera’yê di êrîşên xwe yên ji heşt mehan ve berdewam in, bombebaran kirin. Û firokên Rûsî 24 Nexweşxane amanc kirine, di encamê de 11 bi temamî wêran bûne, ji wan jî Nexweşxaneyek li Mee’ret Elnu’man li Gundewarê Idlib ko Rêkxistina “Bijîşkên Bêsînor” bikar tîne, Nexweşxanên “Elweten” û “Oryent” li Cisir Elşixûr û Nexweşxana “Bijîşkên Bêsînor” li bakurê rojhilatê Laziqiyê û “Seyda” li Gundewarê Dera yê Rojhilat.
Her wiha êrîşên pir yên firokên Rûsî li Parêzgeha Dera bûn sedema rawestandina heft Nexweşxanan ji kar, ji ber sedema nemana ewlehiyê.
Jêder: Hevbendî+Acans
