Berpirsekî navdewletî diyar kir ku NY “hêjî nîgaran e li hember rewşa xirab ya li navçeya Wadî Bereda û dorubera wê”, ku rêjeya wêraniyê bilind bûye li gund û bajarokên Wadî Bereda, piştî berdewamiya hêzên Rijêmê û milîsên Îranê di bombebarankirina avahiyên nişteciyan û navendên zindî û yên xizmetgozariyê bi dirêjahiya 25 rojan.
Duhî berdevkê fermî yê sikirtêrê NY, Îstîvan Digrîk di kongirekî rojnamevanî de li baregeha YN li Niyoworkê got ku “nêzîkî 5.5 milyon kes li hindur û dorubera Şamê jiyana xwe bê av derbas dikin, bi sedema karên dijminkarî li Wadî Bereda”, tevî ku Rijêmê li ser agirbestê amze kiriye, lê hêjî li navçeya Wadî Bereda bêhtirîn binpêkirinên rêkeftina agirbestê li Sûriyê dibin, ji aliyê hêzên Bişar û milîsên mezhebperist.
Ji aliyê xwe ve, rêkxistina NY ya zarokan (UNICEF) nîgeraniya xwe nîşan da li hember zêdebûna nexweşiyên zikêşê di nav zarokan de li Şamê bi sedema kêmbûn û pîsbûna avê û bilindbûna behayê wê”.
Hevbendiya Niştimanî ji aliyê xwe ve daxwaza şandina bilez ji komîteyeka şopandina rastiyan re bo navçeyê ji NY kir, û tekez kir ku êrîşên leşkerî yên ji aliyê hêzên Bişar û çeteyên hizibulaha terorîst hêjî li ser navçeya Wadî Bereda berdewam in, û got ku ev êrîş bûne sedema jikarketina gelek navendên xizmetgozariyê ji wan jî kaniya “E’în Fîcê” ya ku ava vexwarinê dide Şamê û gundewarê wê.
Li aliyek din duhî berdevkê NY di daxuyaniyekê de li Niyowork ragihandibû ku alîkariyên mirovî ji nêzîkî 150 hezar koçberên Helebê re hatine pêşkêşkirin.
Û Dogrîk got ku NY wê berdewam be di bizavên xwe yên mirovî li ser astê navnetewî, ji bo zêdekirina pêşkêşkirina alîkariyên mirovî bo xelkên pêwîstdar yên Helebê.
Jêder: Nivîsîngeha Ragihandina Hevbendiya Niştimanî / Wekalat
