Berdevkê Hikûmeta Tirkiyê û Cîgirê Serokwezîrê wî welatî Nu’iman Kurtulmuş got”Ti kes qebûl nake ku rêkxistinên mîna DAIŞê, û Partiya Yekîtiya Demoqratîk (PYD), beşek bin ji Hevbendiya Rikaberiya Sûriyê, û di serê wê de Dijberiya Niştîmanî, ya ku ev 5 sal in şerê rêjîma kujer dike”.
Di nav daxuyaniyên ji rojnamevanan re, Kurtulmuş Doh Duşemê, weha jî got”Danûstendin herdu aliyan li xwr digire, yek ji wan Dijberî ye ku ji gelek aliyên dijberên rêjîma Esed li Sûriyê pêk tê, û divê bi ti awayî aliyên hevkariyê bi rêjîmê re dikin li ser maseya danûstendinan di rêza Dijberiyê de beşdar nebin, helwesta Tirkiyê di vî barî de diyar e”.
Derbarê pêşhatên Gundewarên Laziqiyê, Kurtulmuş diyar kir, dever û Tirkmanên li wir” Ji 19ê Çêriya Paşî de, rastî topbaranek hovane ji aliyê balafirên Rûsî ve tên, ligel tevgerk bejayî ji aliyê rêjîma Esed ve”, herwiha tekez kir kuTirkiyê” Pêşhat û rewşa Tirkmanan ji nêzîk ve dişopîne û dê li kêleka wan jî raweste”.
Serokê Hevbendiya Niştimanî ya hêzên şoreş û rikberiya Sûriyê, Xalid Xoce, got; ku danûstendinên Wezîrê Derve yê Amerîka John Kerry bi Desteya Bilind ya Hilbijartinan re bê encam bûn, û destnîşan kir ku ew tenê “nameyek ji daraştina Îranî Rûsî” bû, û da zanîn ku destêwerdana Rûsî Îranî hêj berdewam e ji bo têkbirina “Desteya Danûstendinê”.
Xoce tekez kir ku” Kerry soza tiştekî neda me, û ti despêşxêrî jî ji bo me pêşkêş nekir, lê ew ji demeke dirêj ve xwe ji bo veguhestina nameyên ji daraştina Rûsî Îranî re vala kiriye, û ev heman name ne yên Rûsya û Îranê daraştine û dixwazin Hikûmeteke Niştîmanî ava bikin û bihêle ku Beşar Esed xwe bike berbijêr di hilbijartinan de”.
Doh, Serokê Hevbendiya Niştimanî ya Hêzên Şoreş û Rikberiya Sûriyê, Xalid Xoce, fişarên navdewletî yên ji bo ferzkirina rêkxstinên alîgir ji rêjîma Esed re li ser şanda Dijberiyê ya danûstendinê red kir, û got”Destêwerdanek Amerîkî ji bo berjewendiya (Hêzên Sûriya Demokrat) heye, ku vê hêzê Encumena Sûriya Demokrat ya ku Rûsya piştevaniya wê dike ava kiriye, û piştre dê Dijberiyeke alîgirê rêjîmê bibînin ku şûna Dijberiya rasteqîne ya nûnertiya gelê Sûriyê dike bigire.
Jêder: Hevbendî+Anadol
