Belçîka û Almanya û Kuweyt, duhî roja çarşemê, careke din daxwaza lidarxistina civîneke awarte ya Konseya Ewlekariya Netewên Yekbûyî li vê hefteyê kirin ji bo gotubêjkirina êrîşa li ser deşta Idlib û Hema ji aliyê rejîma Esad û hevalbendên wê, piştî têkçûna rewşa mirovî li deverê bi sedema operasyonên berdewam li ser taxên nişteciyan û navendên giştî.
Û dibe civîn li vê heftiyê lidar bikeve, û dê berdewamî be ji civîna girtî re ya heftiya borî hatibû lidarxistin, dema ku çend welatan nîgeraniya xwe nîşan dabûn derbarê krîza mirovî ya bibe ji encama berdewamiya êrîşa rejîmê û hevalbendên wê.
Herwiha ku Brîtanya, Fransa û Almanya jî di daxuyaniyeke hevbeş de daxwaza bidawîkirina êrîşên leşkerî li ser deverê kiribûn, û xemgîniya xwe ya giran xuya kiribûn li hember pêla tundûtûjiyê ya li vê dawiyê ku têde zêdetir ji 120 kesên sivîl hatine kuştin.
Û berpirsa siyaseta derve ya Yekîtiya Ewropayê, Federica Mogherini, roja çarşemê, di daxuyaniyekê de gotibû ku êrîşên esmsnî û bejayî ji aliyê hêzên Esed û Rûsya li ser deşta Hema û Idlibê, “binpêkirinek e, û berovajî yasa navnetewî ye .
Berî niha , roja înê, komcivîneke awarte ji aliyê Konseya Ewlekariya NY li ser rewşa Sûriyê li ser daxwaza Belçîka, Almanya, Kuwait hatibû lidarxistin, ji ber tirsa zêdebûna êrîşên esmanî li dijî deverên rizgarkirî li parêzgeha Idlibê.
Ji aliyê xwe ve, Hevbendiya Niştimanî ya hêzên şoreş û rikberiya Sûriyê, xuya kirbû ku rejîm bi rêya berdewamkirina oparesyona xwe ya leşkerî ya hovane li ser deşta Idlib û Hemayê, hewl dide ji bo têkişandina her gavekê ber bi prosesa siyasî ya ji bo rizgarkirina sivîlên bêguneh û rawestandina derbiderbûnê.
Ku êrîşa hovane ya rejîmê û Rûsyayê, bûye sedema derbiderbûna nêzîkî 350 hezar welatiyên sivîl, û mirin û birîndarbûna bi sedan kesên sivîl, û wêrankirina zêdetir ji 16 dezgehên bijîşkî, û 28 dibistanan bi kêmî.
Jêder: Ofisa Ragihandina Hevbendiya Niştimanî ya Sûrî