Parlemantarê parlementoya Birêtaniya Con Wodkok, daxwaza lidarxistina civînek awarte ji Parlemantoyê Birêtaniya kir, ji bo gengeşekirina rêkarên rawestandina tundutîjiyê li Sûriyê, û herwiha daxwaza dirustkirina navçeyeke aram kir ji bo rê bête girtin li pêş tawankariyên rêjîma Esed û Rûsiya yên berdewam li ser gelê Sûriyê.
Hêjayê gotinê ye ku “Wodkok” sikirtêrê giştî yê Girûpa palemantarên taybet bi dostên gelê Sûriyê ye, û bi serdana Hevbendiya Niştimanî ya hêzên şoreş û rikberiya Sûriyê rabibû, û Enes Ele’bide serokê Hevbendiyê daxwaza karekî cidî jê kiribû, ji bo rawestandina bombebarana hovane û parastina sivîlan bi rêka dabînkirina navçeyek tenah ku bibe penagehek aram bo sivîlan ji bombebarankirina bermîlên teqîner û bombeyên deng yên ji firokên Rêjîmê û Rûsiya bi ser navçeyên sivîlan de tên avêtin.
“Wodkok” serokwezîra Birêtaniya Sîrîsa May han da li ser piştgiriya daxwaza navçeyek aram di dema civîna parlemento bête girêdan, herwiha “Wodkok” daxwaza êrîşên esmanî li dijî binkeyên Esed yên serbazî yên tên bikaranîn ji bona bombebarankirina Helebê kir, û tekez kir ku “pêwîst e Rûsiya bizanibe ku berdewamiya wê li ser vê yekê wê encamên xerab li paş xwe bihêle “.
Wodkok got:” dirustkirina navçeyek parastî ji bobarankirinê, wê bibe nameyek diyar ji rêjîma Esed û Rûsiya re, û emê bersiva rêjîmê bidin li ser her êrîşeka wê ya avêtina bermîlên teqîner li ser sivîlan, û êrîşên me ji yên wan bihêztir in, lewra pêwîst e civînek awarte ya parlemanto bête bestin ji bo handana hikûmetê ji bo kar bike”.
Herwiha parlemantar Alîson Makgfron ya hatî helbijartin wek seroka beşdar ji girûpa dostên Sûriyê re piştî mirina parlemantar Co kokis, wêjî piştgiriya van daxwazan kir, û got: ” Sûriya yek ji babetên Kokis bi rijdî li ser kar dikir bû, û got ku rewşa vî welatî gelekî metirsîdar e, û dîtina kuştina zarok û kalemêran bi xwe dexmeyek kirêt e li aniya mirovahiyê, û hikûmeta wan dikare rewşa Sûriyê bişopîne û dikare bizanibe kî bi van tawanan radibe”.
Jêder: Hevbendî
