Pirogramê Xurdemeniyê yê Cîhanî (WFP) di daxuyaniyeke nû de doh sêşemê derketibû, gotibû ku zêdetir ji 10 milyon Sûrî di rewşekê re derbas dibin ku heye tûşî birçîbûnê bibin ji ber dorpêçkirina hêzên Beşar Esed ji deverên wan re.
Û axêvera bi navê Program , Bîtîna Loşer, got ku ew heft salên bûrîn bi ser Sûriyê de, Sûrî tûşî bêkarbûn û nemana ewlehiyê û peyabûna nirxê lîreyê û bihabûna keresteyan kirin, û bal kişand ser ku” rewşa mirovî li Xûta Rojhilat kambax bûye, ji ber mana deverê di bin dorpêçê de ji berî 4 salan de”.
Û raporê amaje kir ku ” nêzî 3 milyon Sûrî li deverên dorpêçkirî an deverên ku gihiştina wan dijwar e dijîn, û berxwedana dijî birçîbûnê dikin ji bo sax bimînin”.
Û programê (WFP) di rapora xwe ya îsal de tekezî li ser rewşa mirovî ya bobelatî li Xûta Şamê ya Rojhilat kir, ya ku ji berî 4 salan de ji hêla hêzên Esed ve dorpêçkirî ye, û xelkên wê derdê kêmbûna keresteyên xwarinê û dermanan dikşînin, û birçîbûn di vê dema dawî de bû sedama mirina zarokan.
Toreya mafnasiya Sûrî ya mafên mirovan di raporteke xwe de ya berî du rojan tomar kiriye ko nekêmî 14 komkujî û 53 bûyerên zêdegaviyan ko hêzên rêjîma Beşar Elesed û hevalbenda wê Rûsya li ser navendên zindîdar li herêma Xûta ya dorpêçkirî ji nav wan jî 7 bargehên bijîşkî ji 22.07.2017 heta dîroka derçûna raportê pêkanîne.
Berê jî rêkxistina xwarin û çandiyê ya cîhanî (FAO) ya bi ser Netewên Yekgirtî vesala par ko hejmara kesên pêdiviya wan bi alîkariyan li Sûriyê heye gihaye 9.4 milyon kes bi zêdebûna 716hezar kes ji Eylûla 2015ê.
Raporta salane ya pirogramê xwarinê ya cîhanî ya sala 2016ê derçûye tekez kiriye ko ‘’heft milyon kes li Sûriyê derdê tunebûna ewlehiya xwarinê li seranserî welat dikişînin, piştî ko qûtên wan nemane û nema dikarin malên xwe bixwarin bikin. ‘’
Daxuyaniya pirogramê xwarinê ya cîhanî daxwaz kir ko rê bidin karwanên alîkariyên mirovî bê merc derbasî herêmên ko ji aliyê rêjîmê ve dorpêçkirî ne bibin, û rêz li yasaya navdewletî û mafên mirovan bête girtin.
Jêder: Nivîsgeha Ragihandinê ya Hevbendiya Niştimanî/Acans
