Niyozîlenda pirojebiryarek li ser endamên Encûmena Asayîşa Navdewletî belav kir, û têde daxwaza rawestandina sercem “êrîşên li Sûriyê dibin, û dibin sedema kuştin û birîndarkirina sivîlan” kir.
Li aliyek din, heryek ji Keneda û Lîxintiştayîn gotarek şandin ji serokê komeleya giştî ya NY re, û têde daxwaza lidarxistina civînek taybet di hefteya bê de kirin, ji bo gengeşekirina rewşa xirab li Sûriyê, nemaze piştî zêdebûna oparesyonên esmanî ji aliyê firokên dagîkeriya Rûsiya û rejima Esed ve li ser Helebê.
Pirojebiryar daxwaza rawestandina sercem êrîşên ” dibin sedema kuştin û birîndarkirina sivîlan dike, her weha yên ziyanan digehînin karsaziyên şaristanî yên Sûriyê nemaze ew êrîşên esmanî yên li ser Helebê dibin “.
Herwiha pirojebiryarê Niyozîlenda daxwaza rakirina dorpêçkirina li ser bajar û bajarokên dorpêçkirî û gihandina bilez ya alîkariyên mirovî bêmerc û astengî bo sercem navçeyên Sûriyê, ji hemû aliyan dike.
Di heman çarçoveyê de, şandeya Lîxintiştayîn ya li NY, got ku wê li ser gotarek hevbeş ligel şandeya Keneda ya NY emeze kiriye, û têde herduyan ji Bîter Tomson serokê komeleya giştî ya NY daxwaza lidarxistina civînekê kirine ji bo gengeşekerina rewşa Sûriyê bi giştî.
Herwiha şandeya Lîxintiştayîn hêvî kir ku endamên komeleya giştî (193) bikaribin “tekestekî” bipejirînin derbarê rawestandina şerê li Sûriyê dibe, ku rejima Esed vî şerî ji 5 salan li dijî gel zêdetir dike.
Hêjayê gotinê ye ku pirojebiryara Niyozîlenda ta radeyekê wek pirojeyê biryara Firinsa ye, yê hatî beravêtîkirina bi “Vîto”ya Rûsiya roja şembiya derbasbûyî di civîna Encûmena Asayîşê de.
Tê zanîn ku Rûsiya derbarê rewşa li Sûriyê û her ji sala 2011 an ve, ev cara pêncê ye, “Vîto” bikar tîne, ku car dawî sala 2014 an bû, dema daxwaza hatibû kirin ji bo dadgehkirina tawankarên şerê li Sûriyê dibe, li pêş dadgeha tawanên navdewletî.
Ji aliyê xwe ve, duhî, serokê Hevbebdiya Niştimanî ya hêzên şoreş û rikberiya Sûriyê Enes Ele’bide, diyar kiribû ku êdî pêwîst e bangewaziyek navnetewî ji bo rizgarkirina sivîlên Sûriyê bi piştgiriya dewletên dost bête ragihandin, nemaze piştî ku hat diyarkirin ku encûmena asayîşê, bûye alavek ji bo berevaniya di ber bikuj û tawankaran de.
Herwiha serokê Hevbendiyê daxwaz ji dewletên dost kiribû ku giringiyek zêdetir bidin rewşa Sûriyê û herwiha bi standina rêşûnan rabin, ji bo rawestandina êrîşên hovane yên rejima Esed û hevalbendên wê li dijî sivîlan, herwiha ji bo rizgarkirina kesên mayîn sax li Helebê û tevahiya Sûriyê.
Jêder: Hevbendî + Anadol
