Rêkxistina ‘’Rizgarkirina Zarok ya Cîhanî ‘’ evro çarşembê hişyarî da li ser ko bi hezaran zarokên Sûrî li bakurê rojavayê Sûriyê derdê neçûna dibistanê di sala nû ya xwendinê de dikşînin, ji encama gurkirina şerê ji aliyê rêjîmê û Rûsya ve yê ji çar heyvan de berdewam e.
Rêkxistinê diyar kir ko ji 1193 dibistanan li herêmê; tenê 635 vekirî mane, û 353 bi bombebaranê ziyan gihaye wan an ew vala kirine, her weha bêtir ji 200 dibistanî bûne bargehên penaberan.
Rêkxistinê destnîşan kir ko dibistanên mayî tenê dikarin 300hezar zarokî pêşwazî bikin, û hejmara zarokên temenê dibistanê 650hezar e.
Sonya Koş berpirsa dosya Sûrî li herêmê ya Rêkxistina Rizgarkirina Zarok got: ‘’ Mamostayan em agahdar kirine ko mirovên zarokan ji wan xwestine ku ji tirsa êrîşan dibistanan bigirin.‘’
Koş got: ‘’ Piraniya zarokan derdê jidestçûna malên xwe dikşînin, û hest dikin ku baştir e neçin dibistanan ji tirsa ko jiyana xwe ji dest bidin.‘’
Dupar ji sêparên endamên encûmena ewlehiyê berî heyvekê ji emîndarê giştî yê Netewên yekgirtî Entonyo Gotrîs daxwaz kirin ko vekolîn di êrîşên li ser bargehên bijîşkî yên li bakurê Sûriyê yên ko ew piştgiriya wan dikin bibe, û rêkxistina navdewletî rêjîma Esed bi pêkanîna kuştara Idlib ya ev sê meh in berdewam e tawanbar kir.
Tête destnîşankirin ko pirosesa fêrkirinê li herêmên rizgarkirî û bi taybetî parêzgeha Idlibê gelek aloziyan dibîne, ya herî xwiya amanckirina bargehên fêrkirinê ji hêla hêzên rêjîmê û Rûsya ye, û kêmkirina piştgiriya ji hêla rêkxistinan û ev dibe sedem ko zarok li dibistanan kêm bibin.
Jêder: Ofêsa Ragehandinê ya Hevbendiya Niştimanî
