Rêxistina Lêborîna Navnetewî “Amnesty” ragihand ku êrîşên “bimebest”, yên ji aliyê rejîma Esed û Rûsya li ser nexweşxaneyên li Idlib û Hema dibin; digehin asta tawanên dijemirov, û bang li Encûmena Ewlekariya Netewên Yekgirtî kir da fişaran bêxe ser Rûsya ji bo rawestandina operasyonên xwe yên leşkerî.
Ev yek şeva bûrî di twîteke Amnesty de li ser malpera “Twitter” hat, hevdem ligel civîna Encûmena Ewlekariya NY ya ji bo gotubêjkirina rewşa Idlibê.
Rêxistinê cext li ser girîngiya standina tedbîrên praktîkî ji aliyê Encûmena Ewlekariyê kir ji bo fişaran bêxe li ser Rûsya derbarê armanckirina 15 nexweşxaneyên Idlib û Hemayê.
Ku Idlib û gundewarê Hemayê her ji 26’ê nîsana borî ve rastî kampanyeke leşkerî ya berdewam dibe, ku bûye sedema şehîdketin û birîndarbûna bi sedan, ligel wêrankirina hejmareke mezin ji dezgehên girîng.
Tora Sûrî ya Mafên Mirovan, herî kêm 82 bûyerên destdirêjiyê li ser navendên girîng bi belge kirine, di nav de 28 êrîşên li ser dibistanan, û 11 êrîş li ser cihên xwedaperistiyê, û 18 êrîş li ser dezgehên bijîşkî, û neh êrîş li ser navendên parastina sivîl.
Û ev kampanya leşkerî li ser asteke navnetewî hat redkirin, û Brîtanya, Fransa û Almanya, daxwaza bidawîkirina destdirêjiyên leşkerî û êrîşên esmanî li ser navendên welatiyan û topbarana bêserûber bi bikaranîna bermîlên teqîner bi awayekî bilez kir, herweha armanckirina binesazîya sivîl û mirovî, bi taybetî jî dibistan û navendên tenduristiyê, û ew wek binpêkirinên rasterast ji yasa mirovahî ya navnetewî re dîtin.
Hevbendiya Niştimanî ya hêzên şoreş û rikberiya Sûriyê daxwaza bizaveke cidî ya navnetewî ji bo rawestandina êrîşên li ser Idlibê kir, û bang ji bo parastina welatiyên sivîl û pabendbûna bi peymana Idlibê û agirbestê kir, û herwiha destpêkirina pêvajoya siyasî li gorî biryarên Encûmena Ewlekarîyê, bi taybetî jî li gorî daxuyaniya Cenevre û biryara 2254.
Jêder: Ofisa Ragihandina Hevbendiya Niştimanî ya Sûrî