Rêxistina “Save The Childern” duhî roja duşemê daxwaza dabînkirina piştgiriya derûnî ji zarokên Reqê re kir , ji ber bandora xirab ya rêxistina DAIŞê û oparesyonên leşkerî yên Hevpeymaniya Navdewletî ya derxistina DAIŞê li ser derûna wan.
Berpirsa fayilê Sûriyê ya rêxistinê, Soniya Xoş, bal kişand ku “gelekî pêwîst e piştgiriyek derûnî bête peydakirin ji bo wan zarokên ji şer rizgar bûne, û pêşkêşkirina destê alîkariyê bo wan ji ber tirsa ji tundutîjiya di hindur Reqê de dîtine“.
Xoş got: “zarokên Reqê bi dîmenê xwe yê derve tendurist xuya dikin lê di hindur de gelek ji wan nesaxin ji ber derdeseriya bi serê wan hatiye”, û got: ” zarokên Reqê ticarî nexwestine kabûsan bibînin û xweşteviyên wan li pêş çavên wan bimirin“.
Rêxistinê di raportekê de jiyana zarokan bi “hovîtî”ya bêhempa binav kir, bi sedema dîtina kiryarên bidarvekirin û teqînan ji nêzîk ve, û hişyarî da ji peydabûna “şûnbirînên derûnî” yên ku bi salan jê sax nabin.
Elon Makdonald, yê karmend ligel rêxistina ajansa Firance Perss, got ku rêxistin “ligel zarokan axiftin kiribûn, û gotin ku wan çîrokên hovane li jêr destê DAIŞê dîtibûn, û çawa DAIŞ ew wek mertalên mirovî bikar tanîn, û herwiha wan behsa bombebarankirin û kuştina cîranên xwe bi êrîşên esmanî dikirin“.
Rêxistinê li hember êrîşên Hevpeymaniyê hişyarî da ku ew xelkê Reqê têxin li pêş ” du bijardeyên mirinê, yan wê bimînin û jiyana xwe rastî metirsiya bombebarankirinê bikin, yanjî ber bi guleyên rêxistina DAIŞ ve biçin û di nav kêlgehên bombe û mayînan re birivin “.
Û sivîl li navçeyên rêxistina DAIŞ, di metirsiyek berdewam de dijîn, ji ber fermanên çeteyên rêxistinê yên terorîstî û belavkirina tirsê bi rêka bidarvekirinên hovane û sizayên rojane , wek birîna pê û destan ji laşên mirovan.
Ku pêleke koçberiyê ya mezin li Reqê her ji ragihandina şerê kontrolkirina bajarê Reqê ji aliyê hêzên “QSD” li roja 6’ê cehzerana borî ve dest pê kiriye, ku hejmara koçberan gihiştiye nêzîkî nîv milyon kesî, li aliyek din NY gotibû ku hejmara kesên dorpêçkirî li bajêr bi nêzîkî 25% kêm bûye û daxwaza agirbestek mirovî kiriye ji bo rizgarkirina wan.
Jêder: Ofîsa Ragihandina Hevbendiya Niştimanî/ Wekalat
