Seroka Nivîsgeha Rêkxistina Lêbuhûrîna Navdewletî ya li Netewên Yekbûyî Şêrîn Tadris, mixabiniya xwe ji Vîtoya Rûsya û Çînê diyar kir û got: “Rûsya û Çîn rewanê bimilyonan ji xelkên Sûrî erzan dibînin, çimkî pirojeyê biryarê di dengdana îro de li Encûmena Ewlekariyê asteng kirin.”
Wezîrê derve yê Firensî Can Mark Êrlot, mixabiniya xwe derbarê redkirina biryarê da, û destnîşan kir ko Mosko berpirsiyariya mezin li himber derdê miletê Sûrî hildigire.
Êrlot berdewam kir “nabe mirov li hember bikaranîna rêjîm û DAIŞê ji çekên kîmawî re li dijî sivîlan bêdeng bimîne” û got: divê ev tawan bê sizakirin derbas nebin.
Her weha wezîrê derve yê Birîtanî Borîs Conson dilsariya xwe ji Vîtoya Rûsya û Çînê diyar kir, ya ko biryara Encûmena Ewlekariya Navdewletî ya ji bo rêjîmê siza bike asteng kir.
Balyoza Emerîkî ya li Netewên Yekbûyî “Nîkî Hayilî” tekez kir ko “navên kesan û yên kompaniyên destê wan di bikaranîna hêzên Beşar ji çekên kîmawî re heye diyarkirî ne, û hemû jî bi pirojeyê biryarê re ne, û çi kesê ko bixwaze dikare bibîne.”
Hayilî bêtir got ku emê digel şirîkên xwe yên Ewropî û yên din kar bikin, ji bo fişarê bikin da sizayên mîna wan di demeke nêzîk de feriz bikin. Destnîşan kir ko Emerîka bi rastî siza li ser hemû kes û firakisyonên navên wan bi wê biryarê re hetine feriz kiriye.
9 dewletan ji endamên Encûmenê ko hejmara wan digihê 15an, deng dan biryarê, di heman mijarê de Misir û Kazixistan û Etyûbya beşdarî dengdanê nebûn.
Lê Rûsya û Çînê doh sêşembê vîto bikar anîn ko bû heft car ji bo parastina rêjîmê ji sizayên navdewletî bikar tînin.
Pirojeyê biryara rojava pêşinyara sizayan dike, ko pereyên wan ên di bankan de rawestînin, û nehêlin 11 berpirsiyarên leşkerî yên rêjîmê çûnûhatinê bikin, hem jî sizayan li ser 10 dezgehan deynin.
Jêder: Nivîsgeha Ragihandinê ya Hevbendiya Niştimanî/Acans
