Şah Selman kurê Ebdilezîz Al Si’ûd Şahê Eribistina Si’ûdî, îro roja sêşemê di vekirina civata bilind ya Encûmena Hevkariya Kendavê de li Riyad got ku ” pêwîst e daxuyaniya Jinêv bibe binyatek serekî û dergehek bo herçareseriyeka Siyasî di Sûriya de û tevlî ku cext hatiye kirin ku nabe hîç roleka rêjîma Esed hebe ti qonaxeka Veguhêz de”.
Ji aliyê xwe ve jî Serokê Firensa Firansiwa Oland yê beşdar di heman civînê de got ku: Em kar dikin ligel Eribistina Si’ûdî li ser komkirina opozisyona Sûriyê û piştgirîkirina wê û ajotina wê ber bi çareseriyeke Siyasî li ser bingeha daxuyaniya Jinêv.
Hêjayî gotinê ye ku berdevkê Hevbendiya Niştimanî Salim Elmislit diyar kiribû ku armanca Hevbendiyê ji gotubêjên duqolî yên sibe li Jinêv bibin, gengeşekirina piransîpên bingehîn yên Çareseriya Siyasî ne, yên ku Hevbendiyê biryar li ser daye û hatine pesendkirin ji aliyê çendîn pêkhateyên opozisyona Sûriyê ve, herwiha ya nexşeriya çaresriya Siyasî di Sûriyê de dinexşîne.
Elmislit amaje kiribû ku biryara çûn û beşdariya Hevbendiyê di hevdîtinên Jinêv de ne biryarek tekalî bû, ku pêş stindina vê biryarê Hevbendî bi nûnerên gelek hêzên leşkerî û rêxistinên Civaka Sivîl û hêzên Şoreşger re civiyaye, di çendîn hevdîtinên rawêjkarî de ku li dawiyê bi wan re gihişt rêkeftinekê ku ji pênc xalên serekî pêk tê ji bona her çareseriyek siyasî li Sûriyê .
Elmislit bal kişandibû ku di pêşiya wan xalan de xala ruxandina rêjîma tawan û zordariyê bi hemû hîma û binyat û damudezgehên xwe yên ewlekarî ve tê, herwiha pêwîst e rola serê rêjîmê û bendeka wî ya desthilatdar nebe di qonaxa veguhêz û di paşeroja Sûriyê de, û tekezî hatiye kirin li ser pêwîstiya hevkarî û hemahengiyê di navbera hêzên şoreş û opozisyona siyasî û leşkerî de, û parastina biryara niştimanî ya serbixwe bi hemahengî ligel dost û hevalbendên Şoreşê, tevlî rawestiyana li hember her pilaneka parçekirina welat û yan vejandina û berhemhênana rêjîma terorê, herwiha tekezî hat kirin ku her çareseriyek pêwîst e tekûz û giştgîr be bo tevaya pirsa Sûriyê.
Di heman çarçovê de Elmislit bal kişand bû ku singa Hevbendiyê vekiriye li pêş her çareseriyeka Siyasî ku têde hêvî û daxwazên gelê Sûriyê di azadî û rûmetê û rawestindina xwînrijandinê de dabîn bibin, û rê ji bo qonaxek veguhêz bête xweş kirin, û li dawiyê Elmislit cext li ser rûxandina Esed kir bi tevaya hêmayên rêjîma wî ve ji her piroseyeka siyasî di paşrojê de, ne ji nêzîk û ne ji dûr, û got ku rola Esed di Sûriyê de têkşikest bi terorkirina yekem şehîd re bi guleya rêjîma wî ya tawankar.
Jêder: Hevbendî
