Partiya Şepêla Paşerojê ya Libnanî tekez kir ko ti mafê hizbulaha tirorist yê yasayî di têwerdana di Sûriyê de û kuştina sivîlan tune ye, û dibîne ko ev xizmeta Tehran û rêjîmê dike.
Di daxuyaniyekê de îro duşembê Şepêlê got: “em tu rewaya niştimanî nadine beşdarbûna hizbulah di cenga Sûriyê de, û ev helwasta me ye eger çendî gef û nameyên nivîskî yên ko gefan didin kesên dijberê helwasta xwe mezin bin jî”
Şepêla Paşerojê redkirina xwe ji”têwerdana di karûbarê hindirê welatên Erebî de” û xistina Libnanê di cenga rêjîma Esed li dijî sivîlan red kir, û xemgîniya xwe anî ziman derbarê qurbanbûna xortên Libnanî di hêtûna vê cenga ko xizmeta Tehran û rêjîma Esed dike.
Şepêlê di daxuyaniya xwe de got ko ew bi helwesta xwe ya pirinsîbane ya ko veger jê nîn e pabend e, û “artêşa Libnanî û hêzên ewlekariyê yên rewa, karê wan bergiriya Libnanê ye û sînor diparêze.”
Hevbendiya Niştimanî ya hêzên şoreşê û rikberiya Sûriyê got ku hizbulah hemû yasayên navdewletî û yên Libnanî binpê kirine, dema ko digel rêjîma Esed ji çend salên borî de miletê Sûrî di mala wî de dikuje.
Hevbendiya Niştimanî hişyarî da artêşa Libanî derbarê ketina dehfika rêkxistinên çekdar û siyaseta hizbulah ya di Sûriyê de.
Hevbendiya Niştimanî got ku divê herdu miletên Libnanî û yê Sûrî digel hev bin, tako sînorekî ji kirdeyên hizbulah û rêkxistinên tirorist re deynin, ew rêxistinên ku bi çavdêriya Esed û zilamên wî berê xwe dane herêmê, û ewê netenê belayan ji Sûriyê re bînin, lê ji tevaya herêmê re.
Jêder: Nivîsgeha Ragihandinê ya Hevbendiya Niştimanî
