Wezîrê derve yê Siûdiyê Adil Elcubêr got ku Welatê wî dibîne ko karîna gihiştina lihevkirinekê di 24 demjimêran de ji bo agirbestê li Sûriyê heye, lê ew baweriyê bi pabendiya Esed pê nayinin.
Elcibêr di bersiveke Rojnamevanî de li Londonê got: “karîna gihiştina lihevkirinekê ji bo agirbestê li Sûriyê, di 24 demjimêrên dahatî de heye, û ew ê ezmûn be ji rastiya pabendiya Esed re.” Lê belê Elcubêr got ko dîroka Esed di cîbicîkirina peymanan de ne cihê geşbîniyê ye.
Di heman çax de berdevkê fermî yê serokatiya Tirkiyê Ibrahîm Kalîn, diyar kir ko Serokê Tirkiyê Receb Teyib Erdogan di civînên cuda de berî ji Çînê vegere Tirkiyê, digel serokê Emerîka Barak Obama û serokê Rûsya Filadîmêr Potîn, tekez kir ku divê lez bê kirin ji bo gihiştina peymanekê der barê agirbestê li Helebê berî Cejna qurbanê û rêbuhêrkên mirovî vekin da alîkarî bigihên kesên hewcedar.
Ji Televizyona NTV re bêtir got”em li benda Peymaneke dûmahî ne, me nerîna giştî wergirt, lê em texmîn dikin peymaneke tenê li ser kaxezan e, lê karîna cîbicîkirinê heye.”
Kalîn bal kêşand ser ko Erdogan Potîn agahdar kir ko niştecihên Helebê hewcedarî agirbestekê ne ji bo Cejna Qurbanê ya ko di 12 vê êlûnê de ye.
Kalîn got ku agirbest dikare ji 48 demjimêran dest pê bike, û paş re bête dirêjkirin û hemû pê pabend bin.
Peymana agirbestê bi encama serhişkiya Rêjîma Esed û redkirina wê ji cîbicîkirina tekûz re lawaz bû, çimkî rakirina dorpêçê red kir, û berdewam ma di danîna astengiyan de di riya gihandina alîkariyên mirovî ji herêmên dorpêçkirî re, û berdana Girtiyan jî red kir.
Jêder: Acans