Desthilatên dadwerî yên Siwêdî bi fermî dest bi vekolînê kir di bîrdozên kesên rizgarbûyî ji zindanên rêjîmê û operasiyonên êşkenceyê di zindanên rêjîma Esed de, li dijî 25 kesayetiyên astbilind yên rêjîma Esed.
Komîta tawankariyên cengê ya Siwêdî roja pêncşembê anî ziman ko wê bersiva giliyê yekem da, yê ko neh Sûriyan li Stokholmê di sibata bûrî, bi pirinsîba taybetmediya cîhanî li dijî mezintirîn efserên rêjîmê pêşkêş kirine.
Komîtê diyar kir ko desthilata Siwêdî dikare binpêkirinên mezin yên li dijî mafên mirovan li gora ‘’wilayeta dadweriya cîhanî ‘’ bide ber dadgehê, her wekî li dewletên Ewropî yên din wek Firensa, Elmanya û Nemsa çêbûye, ko bîrdozên rawestandinê derkevin derheqê kesayetiyên rêjîmê yên destê wan di êşkenceya girtiyan de heye.
Di daxuyaniyekê ji acansa Akî ya Îtalî re serokê navenda Sûrî ya lêkolînên yasayî parêzer Enwer Elbunî got: giring e Sûrî ji bo yekgirtina dengê dadwerî yê Ewropî li dijî rizgarkirina ji sizayan derkevin, û giring e tawankarên li dijî mirovîniyê dadgeh bibin û rê nedine wan ko bibin parek ji Sûriya paşerojê.
Serokê pirojeya Sûriyê li navenda Ewropî Batrîk Kiroker got: ‘’Em karê desthilata dozdariya Siwêdî bilind dinirxînin ‘’ ko bilez bersiva giliyan da, û gerek bizavên Siwêdî tev li yên Firensa, Elmanya û Nemsa bibin tako mezintirîn berpirsiyarên tawankariyan bo dadweriyê bêne pêşkêşkirin û fermanên girtina navdewletî derheqê wan derkevin.
Heşt rêkxistinên mafnasiyê yên Sûrî û yên navdewletî, û ya sereke Lêbûrîna navdewletî ye, berî çend rojan daxwaz ji Encûmena ewlehiyê kirin ko giringiyê bidin dosya girtinê û êşkence û veşartina kotekî ya bi sedhezarên Sûriyan bi destê rêjîma Esed.
Berê jî toreya Sûriyê ya mafên mirovan kuştina nekêmtir ji 13983 girtiyan ji nav wan 173 zarok bi êşkenceyê di zindanên rêjîmê de ji destpêka şoreşa Sûriyê 2011 de û heta sibata bûrî belge kiribû.
Tête destnîşankirin ko ev gilî li bal dadgehên Siwêdî bi hevrêzkarî ye di navbara navenda Sûrî ya lêkolîn û vekolîlên yasayî û navenda Sûrî ya ragehandinê û azadiya derbirînê û koma dosya Qeyser û rêkxistina Siwêdî ya berevaniya mafên sivîl de.
Jêder: Ofisa Ragihandina Hevbendiya Niştimanî ya Sûrî
