Parêzerê Libnanî yê taybetmedar di yasaya navdewletî de, Tariq Şindib, anî ziman ko dadweriya Emerîkî mafê wê heye rêjîma Beşar Elesed ji ber kuştina rojnamevan Marî Kolvîn ,ya sala 2012ê hatiye kuştin, dadgeh bike.
Şindib di daxuyaniyekê de ji acansa Simart ya ragehandinê re duhî got ku dadgeha Emerîkî ya ko berpirsiyariya kuştina rojnamevan Kolvîn da ser milê rêjîmê, mafê wê heye ko peyketina tawankaran li derve jî bike, û bal kişand ser ko alava dadgehê dikare pereyên wan kesên tawankarî kirine yên ko li bankên derve ne rawestînin.
Şindib destnîşan kir ko mafê dezgehên enterpola navdewletî heye, ew kesên ko doz li ser wan heye, di nebûna dadgehên navdewletî de, yasayan li dijî wan cîbicî bike, û dibe ew bibe destpêka dozin din ji hêla Waşinton û welatên din ve, û derheqê kesayetiyên rêjîma Esed pêk bên.
Şindib bal kişand ser ko hin dewlet hene maf didin dadgehên xwe ko li tawankariyên li dijî mirovîniyê û yên li derveyî xaka wan çêbûne bişopîne, û tekez kir ko yasaya Qeyserê Emerîkî rê dide ko ew kesên têkiliyên wan bi rêjîmê re hene dadgeh bike, ev mijara dê taybetmedariyeke navdewletî bide dadgehên Emerîkî.
Ev di daxuyaniyên wezareta derve ya Emerîkî de hatiye, ko ew dixwaze fişarê bike ji bo piştgiriya vekolînê di tawankariyên rêjîma Esed de, wek daxuyaniyekê derbarê biryara dadgeha sizadanê ya Emerîkî li herêma Kolombya, ya ko kuştina Kolvîn kire hustê rêjîma Esed.
Encûmena cîgirên Emerîkî di 23ê heyva bûrî de yasaya sizayên nû dijî rêjîmê û yên piştgiriyan wê dikin pesend kir, li jêr navê ‘’ yasaya Qeyser bo parastina sivîlan li Sûriyê‘’ li ser navê wênekêş Qeyser yê ko bi dehhezaran wêneyên girtiyên bi êşkenceyê di zindanên rêjîmê de hatine kuştin derxistine derve.
Di heman pêvajoyê de dadweriya Firensî di çêriya paşî de sala 2018ê bîrdozeke girtinê ya navdewletî derheqê sê berpirsiyarên mezin yên ewlehiya rêjîmê derxistiye, ji wan jî birêveberê Ewlehiya netewî Elî Memlûk yê ko berpirsê piraniya dezgehên ewlehiya rêjîmê ye.
Her weha vekolînerekî Kenedî nêzî milyonek belgeh kom kirine, hin ji wan imzekirina Beşar Elesed bi xwe li ser wan heye, û tekez dikin ko berpirsiyariya wî di pêkanîna tawankariyên li Sûriyê di salên bûrî de çêbûne heye, bi amanca wan belgehan tako di pey re bo dadgehan pêşkêş bikin.
Tête amajepêdan ko malbata rojnamevan Marî Kolvîn ya ko li Sûriyê sala 2012 hate kuştin bîrdaxwazek bo dadgehê pêşkêş kir, tê de rêjîma Esed dikin berpirsiyar, Marî digel wênekêşê Firensî de Rîmî Oşlîk lio bajarê Humsê sala 2012ê di dema bûyerên şoreşa Sûriyê diguhastin hate kuştin.
Jêder: Ofêsa Ragehandinê ya Hevbendiya Niştimanî