Îbrahîm Kalin berdevkê serokayetiya Tirkiyê tekez kir ku dirustkirina navçeyek aram, bitenê dibe çareseriya rawestandina komelkujiya li Sûriyê li ser destê rêjîma Esed û hevalbendên wê dibe.
Ev yek di gotareka rojnameya “Dêlî Sebah” de dibin navê (navçeya aram wê jiyanê û mirovayetiya me rizgar bike” de hat, têde Kalin hatiye li ser behsa tawanên rêjîmê yên li Helebê dibin, û balê dikişîne ku Heleb dişewite û cîhan bitenê lê temaşe dike.
Kalin diyar kir ku bêdengiya cîhanê ya li hember bûyerên Helebê, wê bibe sedema zêdebûna êrîşên hovane yên rêjîmê, û berferehkirina gefên DAÎŞê û zêdebûna kuştina xelkê bêguneh.
Kalin amaje bi wê yekê kir ku dirustkirina navçeyek aram li Sûriyê, wê têde sivîl bikaribin bervaniya xwe li dijî tawankariyên rêjîma Esed û rêxistina DAÎŞê bikin, û got: ” şerê berdewam yê ji 5 salan û kuştina bikomel ya dibe, baştirîn belge ne li ser pêwîstiya dirustkirina navçeya aram ya bibe hokarê kêmkirina hejmara koçberan yên bi sedema wêrankirina bajaran aware dibin, herwiha wê ew navçe bibe penagehek aram bo koçber bimînin di welatê xwe de”.
Herwiha Kalin da zanîn ku çêkirina navçeyek aram li Sûriyê, ji aliyê rewştî û siyasî ve baştir e ji hêvîxwestina agirvestê ji rêjîma Esed, û tekez kir ku civaka navdewletî alavên wê yên pêwîst hene bo dirustkirina navçeya aram, û got: “lê siyaseta cîhanê ya niha tê bi rêvebirin, cihê xembariyê ye û kirêt û bêşerm e, û cihê daxê ye ku em bizanibin ku mirovayetiya me tê kuştin ligel mirina miletê Sûriyê, ev bi carekê bêşermiyek mirovî ya mezin e”.
Hêjayê gotinê ye, ku Hevbendiya Niştimanî ya hêzên şoreş û rikberiya Sûriyê, di daxuyaniyên berê de gotibû ku dijberiya Amerîka ji avakirina navçeyek aram re di hindur Sûriyê de, meydan vala hêla ji Îranê – Rûsiya re, û mifa ji helwesta Amerîka dîtin bo berferehkirina zalgeha xwe li Sûriyê û tevahiya navçeyê, û zêdekirina tawankariyan li dijî sivîlan.
Jêder: Hevbendî + Wekalat