Hin organizyonên mirovî, û di serî de Rêxistina Netewên Yekbûyî ya Zarokan (UNICEF) , hişyarî dan li ser metirsiya paşguhxistina dermanên zarokên sûrî yên tûşî kêmxwariniyê bûne, û UNICEF bi dûr nexist ku rêjeya zêdebûna mirina wan zarokan bi 9 caran ji ya zarokên saxlem pirtir bibe.
UNICEF, di raportekê de derbarê ewlehiya xwarinê, ya berî çend rojan hat weşandin, ya derbarê şeş mehên borî yên îsal bû, û têde bal kişandibû li ser hebûna 19,000 zarokên Sûrî yên kêmtir ji 5 salan di bin gefa mirinê de, ji ber kêm xwariniyê li Sûriyê.
Raporta hatiye amadekirin li ser şeş mehên destpêka sala îsal, diyar kiriye ku 4.7 mîlyon zarok û jinên dugiyan û zarokên şîrmij di bin gefa kêmxwariniyê de ne, û pêwîstiya wan bi çavdêriya saxlemiyê û xwarinê heye, û tê texmînkirin ku nêzîkî 92 hezar zarokên temenê wan kêmtir ji 5 salan hene di bin gefa kêmxwariniya giran de ne.
Raportê bal kişand li ser hebûna 865,295 zarokên kêmî 5 salan derdê kêbûna meteryalên piçûk dikşînin, û pêwîstiya 1.6 mîlyon dayikan ji bo pêdawîstiyên xwarin û dermankirinê texmîn kir, û bal kişand li ser nebûna şîrdana zarokan ya nemûneyî li Sûriyê, heta li pêş destpêkirina krîza mirovî li Sûriyê.
Raportê da zanîn ku rêjeya kêmxwariniya giran li Sûrî di nav zarokên kêmî pênc salan de ma di nav rêjeyên qebûlkirî yên cîhanî de ne, digel hebûna hin deverên kêmbûna bi rêjeyên bilind û bi “şok” li sala 2018, wekî mînak 36% li Xûta Rojhilat û 32% li Girê Spî.
Raporta UNICEF da zanîn ku di sektora xwarinê de bi tenê 55% ji perepêdanê li sala borî hat pêşkêşkirin, û kêmtir ji 20% di çaryeka yekemîn ya sala 2019’an de, ji ber ku kêmxwariniya girin li gorî xêrxwazan ne tiştek pêşinde ye.
Herweha ku Bernameya Xwarinê ya Navnetewî WEF di sala 2018 de, trajediya zêdetir ji 6,5 mîlyon Sûrî ji nebûna ewlehiya xwarinê texmîn kiribû, digel pêwîstiya 10.5 mîlyon kesî ji bo piştevaniya xwarinê û pêdawîstiyên jiyanê.
Tê zanîn ku Bernameya Xwarinê ya Navnetewî (WFP), mezintirîn rêxistina mirovî li cîhanê ye kar dike, ji bo nehêlana birçîbûnê li seranserî cîhanê, û alikariya zêdetir ji 30 mîlyon mirovî dike, li derdora 80 welatan, û radibe bi pêşkêşkirina alîkariyên xwarinê tevî di demên awarte de, û herweha kar dike digel komeleyan ji bo baştirkirina xwarinê û xurtirkirina şiyanên alîkariyê.
Jêder: Ofîsa Ragihandina Hevbendiya Niştimanî Sûrî/ Wekalat
