Nûnera Washington li bal Netewên Yekbûyî, Kelly Craft,di civata Encûmena Ewlehiyê de duh duşemê, tekez kir ku rêjîma Esed hewl dide ku kêşeya Korona têxe xizmeta bercewendiyên xwe yên siyasî û leşkerî de.
Û Balyoza Emrîkî got: “Hate eşkerekirin ku rêjîma Esed dixwaze bi keysebazî kirîza Korona têxe xizmeta bercewendiyên xwe yên siyasî û sitratîcîk û leşkerî de, û divê em tev pev re bipirsin, çawa Encûmana Ewlehiyê dê karibe alîkariyê di vegera aramî û hêminiyê li Sûriyê bike?”.
Û Craft got ku bersiv di xurtkirina biryara 2254 de ye, û ji Encûmanê tê xwestin ku hemû karînên xwe bike, daku rêjîma Esed kiryarên xwe bighure û bi agirbesta temamî û herdemî razî bibe, û ew tişt li ser asta niştimanî ev rastî bête şopandin.
Û Balyoza Amrîkî daxwaza serbesberdana yekser ji hemû girtiyên sivîl yên bikotekî hatine girtin ji rêjîmê kir, û Washington pêwîst dît ku Netewên Yekbûyî desehilata çavdêriya çi lihevhatin û agirbestên li sûriyê diqewimin bike.
Û Nûnera Emrîka di şiroveya xwe de cext li ser pêwîstiya cîbicîkirina bi temamî ji biryara 2254 re kir, û dît ku ew dê Sûriyê berve pêşeroj û pêşkeftin û rûmetdariyê ji bo tevaya gelê wê bajo, û divê em ji wê re di vir de di Encûmena Ewlehiyê de kar bikin.
Tê zanîn ku biryara 2254 yaku di 18 kanûna pêşîn ji sala 2015an de derketî, daxwaza rawestandina yekser ji êrîşên dijî armancên sivîl dike, û Dewletên Endam di Encûmena Ewlehî de han dide ku piştgiriya karînên ji bo pêkanîna agirbestê bikin, û tevlî pirosesa siyasî ya berdewam bibin, daku veguhastina demoqrasî bi temamî li Sûriyê di riya damezrandina Desteya Hukumdariya Veguhêz ya xwedan hemû desthilatên cîbicîkirinê ava bibe.
Jêder: ofîsa ragihandinê ya hevbendiya niştimanî ya sûrî