Balyozxaneya Amerîkî li Şamê, dît ku Beşar Elesed û rejîma wî mehane bi milyonan dolar di cenga xwe ya dijî gelê Sûrî de xerc kirine, li şûna ku bi wan pereyan pêdiviyên welatiyên xwe yên bingehîn peyda bike.
Û Balyozxaneya Amerîkî di nivîseke xwe de li ser rûpela xwe ya fermî duh duşemê weşandiye, got ku Beşar Elesed yekser berpirsê hilweşîna aborîya Sûriyê ye.
Û Balyozxaneyê di infografa ku bi nivîsê re hatiye belavkirin de, anîye ziman ku qanûna Qeyser nahêle rêjîma Elesed diravan di tundûtûjiya dijî gelê Sûriyê de bikar bîne, û fişarê li rejîmê dike daku gavên vebir di cîbicîkirina çareya siyasî de bavêje, û rêzê li mafên gelê Sûriyê bigre.
Û Balyozxaneyê bal kişand ser ku armanca cezayên Amerîkî ew e, nehêlibe rêjîma Elesed sîstema diravî ya navdewletî di îşkenceyên hovane de dermafê gelê Sûriyê bikar bîne.
Û Washington berê tekez kiribû ku biryara 2254 ya Encumena Ewlekarî ya navdewletî, take-stratejî ye li pêşiya rêjîma Elesed, û bal kişand ku divê rejîm gavên bê veger bavêje, ji bo cîbicîkirina çareseriyeke siyasî ji nakokiya Sûriyê re, û rêzê li maf û xwesteka gelê Sûriyê bigre, an jî ê hîn bêtir cezayên dorpêç û cudakirinê bibîne.
Û yasaya “Qeyser” a ku dê sibe 17ê Hezîranê were cîbicîkirin, ji bo cezayan li ser rêjîma Elesed û piştgirên wê wek Îran û Rûsiya di heyama 10 salan de di warê enêrjî û karûbarên veguhastina asîmanî de ferz bike.
Jêder: Ofîsa Ragihandinê ya Hevbendiya Niştimanî ya Sûrî.
